شيطان الشعر

Share Button

شعر: ايهاب محمد اسماعيل

وليه دايما .. عايش واقف

وقلمي .. سِنُّه ع الورقه

ومِستنِّي شيطان شعري

يجيب لي فكره .. مبتكره

يقوللي كلام جديد خالص

ماهفِّش يوم على شُعَرا .. ولا نطقوه .

كلام بِكرِي يكون ابني

واسمُه يكون على إسمي

عشان .. انا ابوه .

كلام واضح

وله نفس الحروف

عربي .. لكن نسيوه .

كلام ممكن يكونوا قالوه .

قالوه مُفرَد

سابوه مفرَّط

لكن بكفوفي جمَّعتُه ولمَّعتُه

وخلِّيتُه يعيش أسعد

وخَلِّيت الجميع يشوفوه .

وخلِّيتُه كمان ينطَق

يقول..يحكي .. وبالمَنطِق

عن اللِّي عاشُه في الدنيا

وعن كل اللِّي غِيرُه شافوه .

ونفسي جَنَاب شيطان شِعْرِي

يِخِفْ .. ويَستَقِر بَقَى

يبَطَّل لَفْ في الدُنيا

وكل يومين فُرَاق ولُقَا

ويركَب جَنْبِي في الدَفتَر .. عشان نُسُوقُوه .

يقوللي واحشني .. وانا أكتر

ونعمل شو أنا وهو

نطير فى سمانا .. نِتٌمَنْظَر

ونِعمِل م الورق

صواريخ

صاروخ كَاشِف .. 

ينوَّر للِّي مِش شَايِف

وللأَعمَى .. عَشَان يشوفوه .

صاروخ ناسِف

بيقصِف قلب عاش يكرَه

ويفتَح كل عين بتتوه .

ويخسِف

كل خَطوَه شمال

ويكشف كل كدب اتقَال

يبخَّر كل شَر ذاعوه .

ونعمل ع الورق أعمال

تِخَلِّي كُل شِعْرْ حَلال

ينوَّر في القلوب مَوَُال

يعيش في الكُل .. ويغَنُّوه .

بقلمي

ايهاب محمد اسماعيل

#ehap.M.l

Author: ahrammasr

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *