أبو رامي الاسواني
ياللي حبك
جوه قلبي وبتدوسيه
ارحميه
وياتسيبيني وتسيبيه
لسه فاكر لك دموعك
لما كنتي بتناديه
دلوقتي لما اشتد عودك
روحتي وبسرعة تبيعيه
وبرضو فاكر لك ليالي
لما كنتي بتناديه
ولما فكيتي ضفايرك
روحتي وبسرعة تهينيه
يعني خلاص كبرتي يعني
بس قلبي لسه
فاتح لك إيديه
ماتبيعيش
قلبي اللي حبك
ونبضه لسة عايش
جوة نبضك
حسي بيه
لا بلاش
تتعالي عليه
مش هتلاقي تاني زيه
قلب يحس بيكي
ف الغياب
ومهما يتعب من جفاكي
عمرة ما هيزيد
ف العتاب
كان زمان الكلمة منه
بتسعدك
وتعوضك كل الصحاب
نسيتي يعني كل ده
وزاد البعاد
ارجعي لقلبك
من تاني وعلميه
إن البعد هيتعبه
مش بيداويه
ارحمي نفسك يا قلبي
وارحميه
أبو رامي الاسواني
٨/١٠/٢٠١٩
