Share Button

أبين زين.. وأضرب الودع
بقلمي / مسيو احمد الصعيدي
أبين زين واشوف البخت واضرب الودع
مالك قاعد لوحدك حزين يا جدع!!!!!
قاعد حيران !!!
في عيونك أحزن وقلبك بالوجع مليان
اشوفك البخت واضرب لك الودع!!!
يا ستي بختى انا عارفه وبلاش خدع
بس اسمع كلامي ……
وارمى حمولك على الله ووشوش الودع
وشوش واتمنى واسمع يا جدع
حملك كبير وهمك تقيل
وقلبك بالمحبة للكل مليان
ومن صغرك وانت
شايل هم الكبير والصغير
وتفكر كيف تراضى الفقير؟؟
صح قولي؟؟ ولاعاوز تفسير ؟؟؟
واسمع كمان.. طول عمرك شقيان
ووجعك جواك وعمرك ما تشكى لأنسان
وايدك على خدك ودمعك جارى
وفكرك حيران
للمحبة دايما عطشان
وللقراب سند وعطوف وحنان
وما شوفت غيرالأسية من الحبايب والخلان
وعندك من البنات والصبيان
وخايف عليهم من غدر الزمان
صح كلامي ؟؟ولا الودع غلطان؟؟
فكرت فى كلامها وزاد التفكير
وكلامها لمس قلبي وجه علي هوايا
وقلت كلامك صح واحسنت التعبير
و لمعت فى عيوني دمعه
وطلبت تقولي تأنى كتير
بص يا ولدى ربك عالم وعنده الكثير
اشكي ليه فى سرك وعليه التدبير
خلى قلبك بأيمانه عمران
وال كاتبه ربك هيصير
ودايما خلى فيه ايمان
ومسيرها يوم تتعدل
ويدبرها وحده الرحمن
يلا ارمى بياضك
وسيبك من الاحزان دا ربك رب قلوب
عمره ما هيسيبك يوم حيران

Share Button

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني.