أنصاف الرجال

أنصاف الرجال
Share Button
كتبت : نجلاء الطويل
هو: انا معجب بيكى وعايز اتجوزك
هى: بس انت متجوز
هو: بس انا مش مرتاح مع مراتى
هى: مش مرتاح ليه؟
هو: تفاصيل كتير وتراكمات على مر السنين مافيش داعى اوجعلك دماغك
هى: اومال مكمل مع مراتك لية لما انت مش سعيد كدة؟
هو: عشان خاطر الاولاد
هى: طب ماتحاول تتفاهم مع مراتك وتحاولوا تحلوا مشاكلكم
هو: حاولت مافيش فايدة
هى: طب ماكل واحد يروح لحاله وًسيبوا بعض بالمعروف
هو: لا عشان خاطر الاولاد
هى: طب هاتفول لمراتك انك هاتتجوز عليها
هو: لا طبعا
هى: لأ ليه؟
هو: عشان خاطر الاولاد
هى: اومال عايز تتجوزنىً ازاى؟
هو: نتجوز عرفى أو فى السر اللى يريحك
هى: والله ده كرم اخلاق منك و كمان بتدينى اوبشنز! طيب ولو مراتك عرفت هاتعمل اية
هو: !!! مش عارف، بصراحة مافكرتش فى الموضوع دة
هىً قررت ان تجاريه: طيب عايز تقابل بابايا يعنى؟
هو: ايه اللى جاب سيرة باباكى دلوقتى؟
هو: مش انت عايز تتقدملى؟
هو: ايوة الموضوع دة بينى وًبينك اية دخل باباكى احنا ناسً كبيرة مش اول مرة نتجوز، بابا ده بتاع العيال الصغيرة اللى لسة بيتجوزوا اول مرة
هى: طب وبالنسبة للفرح؟
هو: هو احنا لسة هانعمل افراح تانى؟، احنا نعمل خروجة على الضيق كدة يدوبك انا وانتى وواحد صحبى وواحدة صحبتك عشان بس الموضوع مايتنتورش
هى: طب بالنسبة للشبكة والمهر؟
هو (بعد تفكير عميق): انا مش فاهمك بجد! ماهى الحاجات دى بردو تبع العيال الصغيرة اللى لسة بيتجوزوا اول مرة! عامة يا ستى انزلى اختارى الخاتم اللى نفسكً فيه وانا اشتريهولك والاًً اقولك انتى كان نفسك تغيرى عربيتك بعيها وانا اكملك عليها وًتشترى عربية تانية واعتبرى دة يا ستى مهرك و شبكتك
هى: والله دة كرم اخلاق منك وكمان بتدينى اوبشنز!! طب وبعد الجواز هانعيش فين؟
هو: انا مشً عايز اتعبك ولا الغبطلك حياتك انتى زى مانتىً فى بيتك وممكن نتقابل فى الويك اندز نسافر فىً اى مكان او اجيلك بيتك هانظبتها يعنى
هى: طب وبالنسبة لولادى؟
هو: عادى قوللهم ان انا جوزك
هى: بالبساطة دى؟
هو: خلاص يا ستى لو جتلك البيت ابءى وديهم لأهلك
هى: طب وفى الاجازاتً والاعياد؟
هو: هانقسمها بما يرضى الله بحيث بردو مراتى متلاحظش حاجة وهانبقى نخرج من وقت للتانى وهابقى معاكى اونً لاين لو عوزتى حاجة فى اى وقت بس خودى بالك مش دايما هاقدر ارد عليكى عشان ممكن ابقى مع مراتى او قاعد فىً البيت
هى: طب و هايكون اية دورك فى حياتى
هو: مانا هادفعلك ايجار الشقة بتاعتك و كمان هاديكى مصروف شهرى
هى: ايوة يعنى ايةً الاضافة اللى هاتضفهالى؟
هو: انك هاتبءى معاكى راجل
هى: ايوة يعنى الراجل دة هايضفلى اية فىً حياتى؟
هو( فىً استغراب شديد): هايبقى معاكى
هى: هايبقى معايا ازاى يعنى؟
هو: هايبقى موجود فىً حياتك
هى: هو انت عايز تتجوزنى مقابل انك تدفعلى ايجار البيت وتدينى مصروف وتخرجنى ف الويك ولا مقابل انك تجيلى يومين فى الاسبوع تفرجنى رجولتك وتمشى؟ على اساس انى منهارة ومش قادرة اعيش من غير راجل عملا بالحكمة الشهيرة هاتولى راجل، انا عايزة راجل، مش قادرةً اعيش من غير راجل!والنبى راجل واهو ضل راجل ولا ضل حيطة!!! هو دة مفهوم الرجولة بالنسبالك؟
هو: لا مش كدة يعنى بس على الاقل هايكون معاكى رجل لو احتاجتى اى حاجة
هى: وللللللة!! غور يابن الهبلة من قدامى احسن اناعندى مرارة واحدة مش مستغنية عنها وكما عندى شعرة لما بتيجى مابحسش انا بعمل اية!! قال راجل قال، يابنى دانا شقيانة على عيالى لوحدى وفاتحة بيت لوحدى وقايمة بدور الست والراجل من سنين لوحدى ومن ساعة لما اصحى لحد مانام فى حروب نفسية ومادية مميتة لوحدى وكمان امرأة عاملة ناجحة و ست بيت و بربى وًبعلم وبصرف وبقف لولادى فى كل تفصيلة من تفاصيلًً حياتهم لوحدى و بعمل كل اللىً سيادتك بتقولى عليه دة واكتر لوحدى فا انا نفسى ست بميت راجل هاتيجى انت يا عرة الرجالة تقولى راجل؟ انا فاهمة كويس اوى يعنى اية راجل! لمما انت ياباشا تفهم يعنى اية راجل او لما تبقى انت شخصيا راجل ابقى تعالى كلمنى!! ادينىً اديتك ٢ اوبشنز اهو عشان ماحدش يبقى احسن من حد!!
برافوووواا عليكى👏👏👏👏👏👏👏 ردوا انتوا بقي 👇

ahram

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: