Share Button

إحساس ومشاعر
ـــــــــــــــــــــــــــــــ
بتقولي مافيش شكرا
دي أحاسيس ومشاعر
طيب إيه غيرك
ومن ليه واحدة بدلك
وانتي اللي كنتي دايبه
في الغرام
وكنتي خايفه أودعك
حكيتي كتير وفضفضتي
ومني أكتر قربتي
واتعلقتي بكل مافيا
وقررتي تكوني ليا
وفجأة مني هربتي
بحجة إني بتسلي
لأ فيه حاجة تانيه
كنتي محتاجه حنيه
وغلطتي إني شبعتك
لو كنت شوية حرمتك
كنتي دلوقتي ملهوفة
ومستنيه
كلمه مني اسمعيها
لاعمري كنت بتسلي
ولا ليا فيها
انا حبيتك من قلبي
وماقدرتش أداريها
إنتي اللي أخدتي كفايتك
ارتويتي بعد عطشك
وكأني حاجة بتجربيها
ياللي ماأخدتيش من إسمك
غير حروفه وملامحك
مش مسامحك
ولا قلبي وعواطفي
هينسو جرحك
وقساوتك علي اللي حبك
وأخلصلك
وكان ناوي يبنيلك
جنه تسكنيها لوحدك
ويروي بساتينك
من نهر ثغره في ثغرك
ومن روحه يقدملك
وكل حياته يوهبلك
ياأرق إنسانه حبك
ايوه لسه بحبك
ومش هاستغني يوم عنك
ياأغلي شيئ عندي
وملكتي أعز ماأملك
طبعا مش هاأقول اسمك
لأنك أكيد عارفه نفسك
وعندي الدليل علي حبك
دقات قلبك
وصوتك وهمسك
ياللي مافضلش من صدقك
غير إسمك
ـــــــــــــــــــــــــــــــــ
شعر/السيد حماد

Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *