Share Button

إخرجيني من قلبك وانا راضي
والقرار قرارك مش قراري
كوني إنتي الخصم والقاضي
وعمري ما ح قدم إعتذاري
إقتنعتي بأدلة الزمن الماضي
لا تعرفني ولا تعرف داري
خدي الدليل بحكم إفتراضي
من غير ماتسمعي حواري
صدقتيهم بكلام يتقال عادي
وانا ماقولتش غير أشعاري
ولما شوفتك مره في النادي
كلمتيني وشديتي أنظاري
وقلبي من جوايا كان بينادي
عشان أكمل معاكي مشواري
فجأه بعدي ولقيتك بتحادي
وأغصانك بتشتكي أزهاري
وماردتيش عليا تطمني فؤادي
وما همكيش حيرة أفكاري
خلاص كده راحتك في بعادي
إرتاحي بقي وإنسي نهاري
حنساكي بكل ما أملك وأدادي
قلبي عشان يقبل أعذاري
إبعديني من قلبك وانا راضي
وبستانك يدبل من مراري
وتعيش ورودك في سجن إنفرادي
وتتحرم من ضل أشجاري
إبعديني وإخفي وشك من قصادي
والمرادي ده حكمي واختياري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *