Share Button

( إن سألوك .. ابن مين ؟! )

بقلمي : إبراهيم محمد قويدر

************************
إن سألوك .. ابن مين ؟!
لا تخجل وقل لهم :
أنا ابن الناس الطيبين .

انا ابن الفلاحين
اللي طول عمرهم
ع الطيبة عايشين .
انا ابن إللى معجونين
بالكرم والطيبة والطين .

والكرامة والطيبة
فى طبعهم دايمين
حبهم للأرض والعرض
ما يتوصف غاليين
حبهم للجيران متوفرين .

أنا اتعلمت على أياديهم
كل المعانى من سنين
أبى وأمى لم يتعلموا
فى مدارس ولكن
كانوا فى مدرسة
الحياة حصن متعلمين
علمونى فى مدرستهم
الأصول والحب والدين .

على العيش والملح
والبساطة عايشين
وبالحياة راضيين .
حتى لما ربنا أفاض
علينا ظل الحال
فى التواضع متأصلين .

سافرت بلدان كثيرة
وأعجبني بلاد الرافدين
ومكة والمدينة والحرمين .

درست لطلاب كثير
وعلمتهم اللغة والدين
واحترام الوطن لأن
ترابه والشرف غاليين .

انت مين .. وابن مين ؟!
أنا ابن الناس الطيبين
أنا ابن الفلاحين
مع الأرض والشمس
والعرق والطين مغروسين .

الخير يطرح فى أياديهم
سنابل قمح وخير
أنا ابن الناس الطيبين .

بقلمي : إبراهيم محمد قويدر
شاعر القرية
مصر – البحيرة

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *