Share Button

بقلم / نادية سعد الدين محمد

اعزائى القراء اردت ان اتكلم عن كيف يتثنى لنا ان يحسن كلا من الرجل والمراة فى اختيار شريك الحياة

عزيزتى حواء اليكى بعض النصائح فى اختيار الزوج المناسب

انك تتجوزي راجل يملي عينك دي بالدنيا وما فيها و ده نوع من انواع رضا ربنا…الناس كلها بتتجوز، بس مش كلهم بيتجوزوا واحد يملي العين ..واحد حنين عليكي.. الراجل اللي يشتري خاطرك بالدنيا بحالها، و اللي يحاوط عليكي برموش عينيه، اللي تكونى ماليهِ عينه وقلبه وروحه وتفكيره وحياته ، اللي يسندك و يقف في ضهرك .. اللي النومة جوه حضنه تملاكي أمان و راحة اللي تحسي ان ربنا كرمك وجبر خاطرك بيه بالتأكيد الراجل بيفرق فى حياة المرأة احتواءه لها وانه يفرحها ويحسسها انها اميرة لانها متزوحه من ملك بتبقى مطمنه انها اختارت صح وقلبها بيكون مرتاح وتشعر معه باستقرار نفسى ويخليها شايفه كل حاجة حلوة لكن لو العكس بتبقى الدنيا فى عينها مظلمه وموحشه وبتفقد الثقة فى نفسها حتى اذا تظاهرت برسم ضحكه على وجهها بيكون قلبها بداخلها بيبكى واصعب بكاء هو بكاء القلب هفضل اقول الاختيار بيفرق كتير ومتنسيش ان فى راجل ينورك وراجل يطفيكى خطأ من قال ان المرأة تذهر فى سن معين وتذبل فى سن معين لكن الصح ان المرأة تزهر مع رجل معين وتذبل مع رجل معين الرجل الحنين رزق للمرأة محظوظة من تتزوج رجل ينورها ويزهرها عافري و جربي و دوري لحد ما تلاقيه مترضيش بأقل من كدة عشان خاطر عيالك اللي نفسك فيهم و عشان خاطر نفسك قبل أي حاجة تانية
و حطي ١٠٠ خط تحت نفسك دي
أنتي تستاهلي أنك تستني اللي يبص ليكي علي أنك ملكة و يفضل صاينك طول العمر يكون راجل سوي القليل منك يكفي و الكتير من غيرك مايكفهوش و لا يحبه.
أوعي ترضي بغير كدة. عشان الندم مش بيفيد بحاجة و نرجع و نقول الأختيار كان غلط من البداية

ونصيحه لكل رجل يختار شريكة حياتة

عندما تختار شريكة حياتك لا تنخدع بالمظاهر ولا بالشكل الخارجى اختار من هى جميله الروح لان جمال الشكل فقط اوقات بيكون خداع جمال الوجه يفنى ويزول لكن يظل جمال الروح زى ماهو
تزوج من المراة اللى تشيل زوجها وقت ما يكون تعبان ووقت شدتة بنت الناس متربيه على الاصول والجدعنه اللى ربنا بيحبه بيرزقة بزوجة ب ١٠٠ راجل فى جدعندها بتشيله فى تعبه وفى همه وفى نفسيتة المدمرة تزوج من تكون لك أم واخت وصديقة وحبيبة وزوجة تزوج من تشيلك وقت ضعفك لان المرأة الاصيلة بتبان وقت الشدة وبتبان فى المواقف اختار من تكون لك الونيس والجليس وشريكة لحياتك لان الكل متزوج ولكن ليس الكل من يملك شريك حياة
واخيراً ايها الرجل وايتها المرأة اختاروا من يشيلكوا فى تعبكم ووقت شدتكم ووقت غيومكم لان الذى لا يكون معك فى العاصفة لا يستحق ان يكون معك عندما تشرق الشمس اختاروا صح اختاروا اولاد الاصول كلنا اولاد ناس لكن ليس كلنا اولاد اصول

Share Button

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني.