الجميلة والمبدع

الجميلة والمبدع
Share Button

كتبت// دعاء محمد

روت الفنانة يسرا كواليس تعاونها مع الزعيم عادل إمام على مدار مسيرتهما الفنية، قائلة: «دول أساتذة مش هيتعوضوا ولا يجي زيهم ولا ضفرهم، وأجمل ما في عادل إن كواليسه، الواحد بيبقى مبسوط وبيهزر، وعارف اسم كل واحد، جميل ودمه خفيف، ومش بيحب يعيد كتير، ولو حس إن عمل المشهد حلو مش هيعيده، ولو حس أنه مش مظبوط فيه هيعيده».

ويقدمه الفنان أمير كرارة، «لما عادل بيعمل دور لشخصية فقيرة كان بيلبس نضيف، لأن الفقر ملهوش علاقة، وكان كل الناس بتقلده في الزاوية دي، وبحب كل الأفلام معاه، اشتغلت معاه 17 فيلم، كنت ست محظوظة».

وسردت كواليس فيلم «عمارة يعقوبيان»، قائلة: “عمري ما هنسى الكماشة اللي عملها عليا هو والأستاذ وحيد حامد ومروان حامد وأصحابنا على (يعقوبيان) لأني مكنتش فيه، غير الـ5 مشاهد، فعادل قالي خليكي جدعة وتيجي تعملي معانا 5 مشاهد قولتله اشمعنا 5 مشاهد أنا عاوزة اشتغل، فقالي أقري فقريت فاتهبلت فقولتله حاضر، عملته بنفس، وقابلت الشخصية الحقيقية، وقلدتها بالظبط وبطريقة اللبس والشنيو والماشية، وقعدت معاها واتكلمت في حاجات كتير عشان أعرف هعمل الدور إزاي».

وأشارت إلى أنَّ عادل إمام عرض عليها عمل وهي لم تستطيع أن ترفضه، معقبة: »كلمت المخرج ورفضت فيلم عشان خاطر عادل إمام».

وتواصل الفنانة يسرا، تصوير باقي مشاهدها في مسلسل «حرب أهلية»، الذي تخوض من خلاله السباق الرمضاني المقبل، وعلمت «الوطن»، أن البحث لا يزال جاريا عن اسم آخر، ليجري وضعه للعمل بدلا من الاسم الحالي، وهو «حرب ناعمة».

يذكر أن الفنانة يسرا قد شاركت رمضان الماضي في مسلسل «خيانة عهد» وشاركها البطولة بيومي فؤاد، وخالد سرحان، وعبير صبري، وحلا شيحا، وسلوى عثمان، وخالد أنور، وهنادي مهنا، وتيام مصطفي قمر، وهو من تأليف أحمد عادل، وإخراج سامح عبد العزيز.

ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: