Share Button

بقلم / سمير خله

صباح الخير
هاقدم لكم فلسفه حلوه وصلت لها من الرياضيات
مرتبطه بالعمليات الحسابيه

١ – جمع رقمين
زى جمع شخصين
بيخلى الاتنين مع بعض
وبيخليهم متعاونين
وبيخليهم متكاملين
ومفيش فرق لو بدلنا اماكنهم لان المحصله دايما هى مجموع طاقاتهم
….
٢ – طرح رقمين
او طرح حاجتين
يعنى الكبير لازم يصب على الصغير
يعنى الكبير لازم يتحمل العبىء الاكبر
يعنى لازم يجى فى الاول ويفيض على اللى اصغر منه
علشان الناتج يبقى موجب
لان لو الكبير خلى الصغير هو اللى فى المواجهه واصبح هو اللى هياخد منه
ساعتها المحصله بالسالب
والنتيجه خساره
وهيتكشف الصغير
وهيبقى الشكل مش تمام
……
٣ – ضرب رقمين
او اتحاد اتنين علشان يبقوا حاجه واحده
وهو شكله زى الجمع فى ان .. مش مهم مين نكتبه الاول لان الاتنين بقوا حاجه واحده
بس الفرق بين الضرب والجمع
ان الضرب مش مجرد تجميع طاقات لكن ضرب الطاقات فى بعضها والمردود اضعاف اضعاف الجمع لان الاتنين دايبين فى بعض
واجمل حاجه فى الرياضيات هنا
انها لما تيجى تعبر عن رقمين مضروبين وبيهم علامه الضرب
انها تقدر تشيل العلامه دى ويبقوا الرقمين كأنهم رقم واحد
يعنى بدلا ما نقول
X * y
نقدر نقول
Xy
او نقول
Yx
هى هى
بدون علامه ومحدش يقدر يفصلهم غير القسمه والعياذ بالله
وما ينفعش اننا نضحك على واحد فيهم وناخدوا جوه قوص لانه هو وصاحبه بقوا حاجه واحده ومفيش قوص يفرقهم
……
٤ – قسمه رقمين
ودى ممكن نعتبرها تقسيم العمل لفرق عمل
او تقسيم مكافاه على اعضاء الفريق
يعنى كلما كان اللى ها يتقسم كبير كلنا هنتبسط
لكن لو اللى هيتقسم صغير والعدد كتير
يبقى لازم كلنا نتعاون وناخد الجزء الصغير اللى هيطلع لكل واحد فينا
ومحدش يفضل نفسه ويقول انا هاخد اكتر
لان القسمه العادله علمتهالنا اارياضيات
ولو عايزين ما نزعلش حد لازم نوزع حاجه تقبل القسمه بدون فروق
علشان كله ياخد زى بعضه

يا ريت نخلى حياتنا جميله ونملاها حب وتعاون ومساوه
وبذل وعطاء
……..

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *