< المشروع القومي لتطبيق منظومة النقل الذكي ITS على شبكة الطرق -
Share Button

المشروع القومي لتطبيق منظومة النقل الذكي ITS على شبكة الطرق

متابعة / سماح سعد محمد

-منظومة ITS هي منظومة الكترونية ذكية و أحدث ما توصل اليه العالم في ادارة الطرق ، مراقبة ٢٤ ساعة للطرق من خلال كاميرات ذكية متوصلة بغرف تحكم مركزية ، رادارات فرنسية حديثة على الطرق للمراقبة و رصد المخالفات وفي نفس توقيت المخالفة هيتبعت رسالة نصية على التليفون للسائق بالمخالفة اللي حققها و هتتخصم فورًا من محفظته الالكترونية ، بخلاف نظام متابعة للحوادث على الطرق و ربطها مع نقاط الاسعاف لسرعة التدخل و نظام لرصد المناخ و التقلبات الجوية لبيان امكانية استخدام الطرق اثناء السيول والأمطار و كمان نشر نقاط لتحصيل رسوم استخدام الطرق بشكل الكتروني بدون الحاجة للتوقف عن طريق الملصق الالكتروني ونظام التعرف على اللوحات المرخصة و الغير مرخصة و السيارات المسروقة المبلغ عنها والتواصل مع اقرب نقطة وكمين للتعامل معها

-هيكون في شاشات الكترونية متاح عليها بيانات كتير منها درجة الحرارة و الرطوبة للمدينة اللي انت متجه اليها او اذا كان فيه حادث على الطريق اللي انت داخل عليه ولا الطريق سالك و هيتبعت ليك فورا رسالة نصية بتحذرك ان فيه حادث على الطريق

-أضخم غرفة عمليات و مراقبة تم تنفيذها بالعاصمة الادارية الجديدة ، هيديرها وزارة النقل و وزارة الداخلية منها هيتم مراقبة كل الطرق المصرية على مدار الساعة و هيفتتحها الرئيس مع افتتاح العاصمة ، من الغرفة دي هتقدر الدولة تتابع اللي بيحصل على أبعد نقطة من الطرق من أسوان الى مرسى مطروح

-المرحلة الأولى بتشمل 1187 كم طرق :
•شبرا – بنها الحر بطول 40 كم
•القاهرة – الاسماعيلية – بورسعيد بطول 195 كم
•القاهرة – الإسكندرية الصحراوي بطول 220 كم
•القاهرة – القطامية – العين السخنة بطول 110 كم
•الدائري الإقليمي بطول 380 كم
•الطريق الدائري بطول 108 كم

-المرحلة التانية بتشمل 5000 كم طرق :
•الصعيد الصحراوي الغربي بطول 360 كم
•بورسعيد – اسكندرية – مطروح بطول 573 كم
•السويس – الزعفرانة بطول 114 كم
•وادي النطرون – العلمين بطول 134 كم
•الجلالة – الزعفرانة – الغردقة – القصير بطول 485 كم
•النفق – النخل – التمد – النقب بطول 350 كم
•قنا – سفاجا بطول 160 كم
•بني مزار – البويطي بطول 220 كم
•القنطرة شرق – العريش بطول 135 كم
•شرق النيل الصعيد الحر بطول 309 كم
•محور 30 يونيو بطول 95 كم
•الضبعة – روض الفرج بطول 345 كم
•اكتوبر – الواحات – الفرافرة – الداخلة – شرق العوينات بطول 1350 كم

-وجاري تجهيز الطرق اللي هتدخل في المرحلة الثالثة

-المنظومة الجديدة هتعالج أغلب مشكلات المرور اللي بنعاني منها انهاردة و هتقضي على كل المخالفات المخيفة اللي موجودة على الطرق ، كل سيارة هتمشي في الحارة بتاعتها ، كل سائق هيلتزم بالتعليمات ، مفيش سيارة نقل هتسيب الحارة بتاعتها وتمشي في حارة الملاكي ، مفيش سيارة نقل هتشيل اكبر من الحد المسموح لها بيه ، مفيش سيارة هتمشي عكس ، مفيش سيارة هتمشي أسرع من الحد المسموح ليها بيه ، مفيش سيارة غير مرخصة هتمشي عالطريق ، مفيش حد هيسوق وهو بيتكلم في التليفون او من غير ميكون لابس حزام الأمان

-منظومة النقل الذكي هي مجرد بداية لتطبيق منظومة مرور جديدة هتفرض السيطرة على شبكة الطرق المصرية بشكل يحقق السلامة لكل المواطنين

-الانتهاء من تطبيق منظومة ITS بشكل كامل على 7000 كم طرق يونيو 2024.

By ahram masr

جريدة اهرام مصر .موقع ويب اخبارى واعلامى

اترك رد