امك ثم امك
كتب / رزق ملاك شفيق
بمناسبه عيد الام
كتب الشاعر الموهوب كلمات لكل ام هذه الكلمات الشاعر / احمد سنجر
( إلا أمك )
كل الناس ممكن تبيعك
إلا أمك تشتريك
ولما كل الناس تهينك
تيجي هى وتراضيك
تيجيي زى النسمة عادى
ومحدش بيحس بيها
بس اوع في يوم تعادى
ربك لما تعاديها
ولما تبقي راضية عنك
ده الجنة تحت رجليها
كل الناس ممكن تنام
إلا هى ما بتنامش
ولما يبقي بيك آلام
قلبها ما يتحملش
واللي يقول عنك كلام
بتعاديه ومتسمعش
كل الناس ممكن تنساك
إلا امك تحتويك
ولما الدنيا تبقي معنداك
تيجيي هى وتقويك
كل الناس ممكن تفوتك
لما تبقي في يوم حزين
هي بس بتسمع سكوتك
وقلبها يبكي بأنين
كل الناس ممكن تقولك
أيوة يا ابني أنا زى أمك
إنما هى متقولهاش
لكن قلبها لما يضمك
أعرف إنه مش غشاش
كل الناس تفرح لفرحك
بس مش زى فرحها
ولا مين يحزن لجرحك
وكانها كانت جراحها
طول ماهى عايش جنبك
انت عايش من رضاها
ولو أخدها المولي منك
انت بتعيش بدعاها
كل الناس تشيل همك
بس مين يقدر يكمل
هفضل اقولك امك ثم امك ثم امك