اه يا وطن
محمد سليمان حسن
اه يا وطن حظك غريب
بدل الحبيب مليون حبيب
والف اه من الحبايب كلهم
ساعة الوجع ملقتش حد منهم
واما الطوفان اجتاح شوارعك والبيوت
الكل قال نفسي والكل من بعدي يموت
وكل من حب النجاة
قبل الحياة… اي حياة
من غير كرامة او شروط
فوق بعض دوسنا
وحنينا روسنا
عمیت قلوبنا قبل العيون
وبقينا على روحنا نهون
اه یا وطن اسیر مهوش لاقي النجاة
اه يا وطن عايش ومش لاقي الحياة
اه يا وطن قلبك حزين
والحزن بالغ منتهاه