كتب – محمد خضر
لما جيت أكتب عن أمي
صدقوني إحترت جدا
إل شوفته ف حضن أمي
صعب إن كلامي يقدر
يوصفه ولو جزء منه…
الحكايه من البدايه ..
إني أصلا كلي منها..
نبض قلبي ونور عينيا
وكل نقطة دم منها..
عيشت جوا ضلوعها فتره
كنت بدلع ف خيرها ..
هي كانت تتعب وتسعي
وكل يوم بيعدي ينقص
من ليالي شهورها تسعه ..
قد ايه تعبت فى حملي
ويوم ولادتي كات بتصرخ..
ربنا وحده ال عالم إنها فرحانه بيا
ولما جيت ع الدنيا قالت
تعبي راح أول ماشوفتك ..
كنت سامع كل حاجه
وقتها حسيت بفرحه
شوفت إيد شايله وحاضنه
حضن دافي أمان ورحمه ..
لما جيت أكتب عن أمي
قولت تحت قدامها جنه
أمي دايما لما تضحك
السما بتفتح بيبانها ..
والنجوم م الفرحه ترقص
والقمر يعشق جماله
كان سواد الليل يفتح
والسما تبرق بنورها
والسحاب بالمطره تنزل
تغسل الدنيا وغيومها ..
لما جيت أكتب عن أمي ..
قد إيه تعبت و ربت ..
قولت أحط الكون ف كفه
كفه أمي ميزانها طبت ..
الله يرحمك ياامى …
وجعلكي ربى فى الفردوس الأعلى