احك .. وقل يا زمن !
بقلمي : إبراهيم محمد قويدر
**********************
احك ..وقل يا زمن
على إللى راحوا وتركونا .
تركونا عايشين على
ذكريات الماضى ومنحونا .
ومنحونا زهرة حياة
طرحت نور وزهر بأراضينا .
أراضينا والبساتين
سهرانة تحلم لنا بأمانينا .
أمانينا إللى رسمتها
سنين العمر زهر وخير لينا .
خير لينا ولكل إللى
كانوا مقربين من نواحينا .
نواحينا تبكي عليهم
وتنوح العمر حزنا بوادينا .
وادينا إللى شمسه
عمرها ما تغيب عن مآقينا .
مآقينا إللى عاشت
وشاهدت هنا وسعادة ليالينا .
ليالينا إللى سهرت
وتعبت لأجل راحة أهالينا .
أهالينا : الصغير والكبير
يحمل فى قلبه الاحترام لينا .
الاحترام إللى فاق
أثره وفعله وحبه لكل نوادينا .
يارب كيف لى بحياة
من بعدها فقد جفت بواكينا .
الدموع حفرت لها
مجري ملاحي فى أراضينا .
حتى المرايا والزوايا
اتوحشت صورة لها بأمانينا .
كل الأماكن والدروب
تشتكى الفراق لنغمة سواقينا .
احك .. وقل يا زمن
على إللى راحوا منا وتركونا .
تركونا نقاسى ونعانى
الفراق والأسى الما لوحدينا .
زاد الأسي وعشش
بين الضلوع ما أحد يراضينا .
أين الدفء والحضن
وهمس المشاعر ولت بأراضينا .
حتى فى الحلم بخيل
من زمن فات لم يزرنا ليواسينا .
حن علينا ولو بنظرة
أو بقبلة ترجع روح الحياة فينا .
عودي إلي لألمسك
لأقبل يديك فقد احرقنا مراسينا .
احك .. وقل يا زمن
على إللى راحوا من زمن وتركونا .
بقلمي : إبراهيم محمد قويدر
شاعر القرية
مصر – البحيرة