Share Button
———————-
سؤال محتاج تركيز
لكل ناسنا أهل الخير
مين غني ومين فقير
الغفير و للا الأمير
جاوبوا بعد تأني كتير
فيه ناس هتقول فقير
ناس تانية تقول دا بخير
الغني ومين غير تفكير
اسمع مني كلام تنجيز
الغني والفقر اختبار خبير
يشوفنا نعمل شر أو خير
الفقير امتحانه كبير
زيه زي الغني وبخير
لو صبرت على فقرك
وحامد شاكر الله ربك
والحسد مش من طبعك
يبقي انت سليم وبخير
ولو بصيت للي مع الغير
وكنت انسان حقود بتغير
يبقي مصيرك نار سعير
بعد دنيا ضنك حديد
أما الغني وشاكر دا بخير
يتصدق بماله على الفقير
ويحب دايما فعل الخير
متواضع لين وكريم
يبقي حبيب رب العالمين
ولو تكبر بماله عليك
يبقي مصيره زى قارون
خسف الله داره وكنوز
كانت الناس تحسده وتقول
ياريت معانا زى قارون
لكن المؤمن حاسب اليوم
إنه يلف داير ما يدور
يوم عليك و تانى يوم
لك والله حى و قيوم
قول لي يا اخويا انطق وقول
مين فينا م الفتن معصوم
كله في اختبار محسوم
يختاره واختيار مكتوب
يعمل عمله يقرأه بحضور
كل الخلق على عمله شهود
والله وحده عفو غفور
وعذابه شديد يآرب نتوب
———————-
قد تكون صورة ‏‏‏شخص واحد‏، و‏حجاب‏‏ و‏تحتوي على النص '‏شعر غزاله عطيه سؤال محتاج تركيز‏'‏‏
Share Button

By ahram misr

رئيس مجلس ادارة جريدة اهــــرام مــصر

اترك تعليقاً

لن يتم نشر عنوان بريدك الإلكتروني.