< شحته سمير يكتب .. الحكاية - جريدة اهرام مصر
Share Button

شحته سمير يكتب .. الحكاية

الحكاية

مش حكاية شمس طله .. جوه ضلة ..
والهواء عمره ما خلا .. ده الحكاية ..
جوة البوم الكلام .. تتكتب من غير ملام ..
تتكتب ذي المرايا .. فيها انت ؟
ويا نفسك والصراحة .. تبقي راحه ..
والجمال والإنسانية .. هيه هيه الحكاية ..

من زمان .. جوة ناسك ..
من اساسك .. شيئ يحبك ..
فيه خلاصك .. فيه نجاتك ..
من ربوعك .. فيه دموعك ..
تجري دايما .. تحت طوعك ..
وف جفونك .. لون عيونك
والدفي يقدر يصونك ..
والهوي عمره ما خانك ..
وف لهيب الشوق وناره ..
تلقي دارك هي داره ..
دنيتك !!
من شبابك ل صباك ..
ترسم الأيام ملامح هيئتك ..
وبإديك ترسم بنفسك سكتك ..
وتلون الأيام بريشة ضحكتك ..
وأي شيئ في الكون ده يجرح بسمتك ..
ينتهي فورا وأبدا !!
من حياتك ول مماتك ..
اوعي تجرح يوم في نفسك ..
ولا تنكر يوم في ذاتك ..
لاجل مين !!
تبات عينوك سهرانين ..
اللي قرب لك قيراط ..
فوق دماغك للممات ..
واللي باعك ضحيي بيه ..
أوعي يوم تحزن عليه ..
كل طير !!
في سمانا دايما ليه شبيه ..
اوعي يوم حبرك يجف !!
ولا قلمك يستخف ..
يوم يتوه عن سكته ..
ويوم تفوته ضحكته ..
ويوم بيصنع دمعته ..
اوعي قلبك يوم يموت ..
ولا يحصل له رقود ..
ولا نورك ينطفي ..
الحكاية !!
إنت عايش في الحياة ..
ويا مالك ويا جاه ..
ويا سلطان القلوب ..
والكفن من غير جيوب ..
والمعارك راح تدوب ..
واللي باقي التلاقي ..
واللي راح .. وياه جراح ..
يتمحي وده شئ نهائي ..
ديه الحكاية !!

Share Button

By ahram masr

جريدة اهرام مصر .موقع ويب اخبارى واعلامى

اترك رد