“صغنن وخاربها “

وأحنا نقول يا مُنجى نجى ،زى ماقال عبد المنعم أبراهيم.
يا عم أمشي ،هو إحنا رايقين..ده احنا لبعض مش سايعين.
الشوارع زحمة ومفيش مكان للبنى أدمين.

وأتريقنا عليه ..وقولنا يلاااا ،خلى الصغنن وسطينا ياكل عيش،ما الشباب ضايعين، ومفيش وظايف خاليين.

أووووم ….. الله يمسيك بالخير يا عمدة الحلمية ،سمعنا عن حالات خطف وبيع أعضاء بنى أدمين..والتوكتوك شريك ضالع وأيديه ملوثين..والحكومة أيديها مكتوفين، هتعمل أيه فى الشباب الشغالين وعن دماغها حالين!!!!!!!!

مقولناش حاجة يا حكومة..بس كفايانا تكاتك ،دى الصنعة بارت..والشباب أستسهل ،وعن الصنعة كسل ،وبقت شغلة كل بلطجى وعويل.

وقفى أستيراده ورخصى الموجود..وأهو يبقى مصدر للدخل المحدود..ما هما بياخدوا الدعم على الوقود..ويا بخت اللى فاد ،والجودة من الموجووود.
“مش كدااا ولا أييييه”
زى ما قال فناننا فؤاد.