حاولت اوصف جمالك 
تاه الكلام وراح
روحك ورقة كلامك
بلسم يداوى الجراح
إنتى إنس ولا جان
ولا بحر من الحنان
إنتى شمس ولا نجمة 
نورها ساطع فى المكان
الخدود ورد احمر 
ورد لكن نوعه نادر
والشفايف شهد سكر
شهد صافى من النوادر
والعيون زرق صافى 
بس تخطف من جمالها
والقوام حكاية تانية 
صعب إنى احكى عنها
مهما اوصف فيكى إنتى
مستحيل هقدر اقول
عن جمال طبعك وحسنك
أصل وصفك ليه اصول
اى شاعر هايجى يكتب
عنك هيبقى كله خوف
والقلم نفسه هيرفض 
وتضيع منه الحروف
شاعر الآحزان/ تامر عزت
