Share Button

بقلم/ سمير خله
……..
قوللى يا ابنى يا شهيدى *** يللى مت ع الحدود
يللى كنت بتحمى بلدك *** مصرنا ارض الجدود
قوللى يا خيرة شبابنا *** قوللى يا زينه الجنود
قوللى كانت ايه جريمتك *** لما قتلوك بالبارود
قوللى هل كنت حرامى *** ولا خاين للعهود
ولا ظالم ولا قاتل *** ولا مهمل فى السجود

قوللى كيف كانت عزيمتك *** وانت واقف فى الميدان
لما جا القاتل يقرب *** لما شفته ده الجبان
قول لى كيف بصيت عليه *** لما صوب بالنيران
اللى باع وطنه بايديه *** واترمى ف حضن الشيطان
قوللى ليه ما حاولت تهرب *** لما فجر ف المكان
قوللى يللا وعلّى صوتك *** قولها للعالم كمان

قول لهم ان انا مصرى *** ومصر أغلى حب عندى
قول لهم عايش فى خيرها *** فيها نيلى وفيها ارضى
فيها دينى وفيها علمى *** فيها فنى وفيها مجدى
فيها صاحبى وفيها أهلى *** فيها أخويا وفيها ولدى
قول لهم كلى فداها *** دمى يرخص لأجل بلدى
قول لهم لو مت يجى *** الف جيل يحميها بعدى
………

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *