Share Button
دكتور عبدالله أحمد بيقولك ميزة الحب هي نفسها سبب الانفصال !!
متابعة : نشوي شطا
استشاري العلاقات الزوجية والأسرية د.عبدالله أحمد يؤكد
الميزة اللي اخترت عشانها الشخص أنه يكون ” شريك حياتك ” هي نفسها اللي هتسيبو بعض علشانها
و يوضح قائلاً كتير مننا بيحط سقف توقعات عالي من شريك حياته والمميزات اللي كانت سبب ارتباطهم واختيارهم لبعض من البداية .. وعلشان نفهم دا بيكون ازاي ؟
يجيب د.عبدالله أحمد ممكن أنثى تختار راجل عشان تقيل وهيبة،
تشتكي بعد كدا أنه مش بيتجنن معاها ومبيعرفش يدلع معاها.
ممكن راجل يختار أنثى عشان بتحتاج له،
وبعد كدا يشتكي أنها مش بتعرف تتصرف واعتمادية عليه في كل حاجة.
أو أنثى تختار راجل بيزنس مان عشان مستوى مادي واجتماعي،
وبعد كدا تشتكي أنه مشغول ومش بيهتم بها.
أو راجل يختار أنثى عشان فرفوشة واجتماعية،
وبعد كدا يشتكي أنها عايزة تقابل ناس كتير وتخرج.
ويضيف قائلا الفكرة أن “الميزة” أحيانًا بيكون لها وجه تاني بيكون “عيب”. بس انا مش واخدين بالنا وزي ما بيقولو مراية الحب عامية
الفكرة مش أنك تاخد مجموعة مميزات،
الفكرة أنك تكون متقبل “الباكدچ” كدا على بعضها.
وتكون مدرك أن أحيانًا اللي اخترت الشخص عشانه،
هو نفس السبب اللي ممكن تشتكي منه.
ولا الحياة ولا العلاقات ولا البشر كاملين.
لكن قائمين على “الايجابي والسلبي”،
الفكرة أننا نعرف نستمتع بالايجابي، ونتعلم تدريجيًا التعامل مع السلبي وكمان مهم جدا نعرف احتياجاتنا
ويذكر د.عبدالله أحمد أن الاحتياجات الشخصية من أكتر الحاجات اللي بتتوه مننا في زحمة الحياة..
وأصلًا ممكن نكون مش عارفين ايه هي احتياجاتنا، وده بيرجع لإن كتير مننا اتعرضوا لتهميش احتياجاتهم على مدار السنين في المراحل العمرية المختلفة.
3 أنواع لاحتياجاتنا الشخصية:
الاحتياجات الجسدية: زي الأكل، والشرب، والامان، والحضن ، والعلاقة الحميمة
الاحتياجات العاطفية: زي إنك تكون مسموع ومتشاف، وتقدر تعبر عن نفسك من غير أي قلق وخوف، وكمان تحس بالتقدير والامان
الاحتياجات الروحية: زي إنك تعرف إزاي تتواصل مع نفسك ويكون عندك هدف في الحياة، وتلاقي اللي يحب روحك .
ويختتم حديثه تفتكر ممكن تجيب ورقة وقلم دلوقتي وتحدد ايه احتياجاتك المختلفة وازاي بتشتغل على اشباعها؟
Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *