Share Button
كيف تتخطى صدمات الحياة
بقلم دكتور : عبدالله أحمد
فيه ناس قادرة تتعامل مع ضغوط الحياة وتحدياتها وتقدر تخرج منها بسهولة وناس بتنهار وتكتئب وتفكيرها يتجه دائما نحو الحزن وافتقاد الأمل .. باختصار من يقدر على التعامل مع ضغوط الحياة لديه صلابة نفسية أو مناعة نفسية زادت من قدرته على التعامل والتخطي وتعلم دروس الحياة ..
للاسف دايما بقول احنا بنضيع سنين حياتنا نتعلم ابتدائي واعدادي وثانوي وجامعه علشان اخرج اكون حد شاطر جدا جدا في شغلي ودا جميل مش معترض السؤال بقى حد علمني ازاي اكون ناجح في حياتي !!
طيب إزاي ممكن يبقى عندي صلابة نفسية ؟
١_ المشاعر الإيجابية : واللي بتيجي عن طريق أفكارك الإيجابية ومراقبتك لأفكارك المسيطرة عليك هل أفكارك بتزود حزنك وتوهانك ولا عقلك مساعدك تفهم وتتخطى (ركز مع أفكارك أكتر من كده ) راقب أفكارك لأنها ستصبح أفعال. راقب أفعالك لأنها ستصبح عادات. وراقب عاداتك لانها تٌكون شخصيتك وطباعك وراقب شخصيتك لأنها ستحدد مصيرك .
السؤال المهم أمتى تشحن طاقتك الإيجابية .. زي بالظبط لما بتشحن تليفونك .. لما يفصل شحن بمعنى انت محتاج تفرغ الطاقة السلبية الأول وبعدها تشحن طاقة إيجابية , طب ازاي افرغ الطاقة السلبية
سر قوة وبقاء المشاعر السلبية هو عدم الاعتراف بيها بيسموها بذرة الاكتئاب ان ما تقاومه يبقى انت اللي بتزرع البذرة بنفسك انك تقول انا مش زعلان على فكرة انا زي الفل
انت عارف لما بيموت زوج المراه ربك في القران بيقول ( وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا ) ] البقرة: 234[
انت عارف بيسموها عملية التعافي تقعد في بيتها ماحدش يضغط عليها انها تخرج وتنزل وتتفسح وتتبسط لان هي عندها مشاعر ثقيلة محتاجه انها تتقبلها وتعيش بيها وتعترف بيها ودي بداية التعافي اما مقاومتها وارتداء مشاعر الفرحه خوفا الناس تقول عليا سلبي وسودوي داب يخلي الاكتئاب يدب في القلب
٢_ الاندماج والمشاركة : دور على شغفك في الحياة وايه هي الحاجة اللي بتنسى نفسك وأنت بتعملها واسعى ورا شغفك كتير هتحس إنك عايش بجد دايما بقول كل ما تحس انك بدأت تفقد الشغف بدأت تحس ان انت مافيش حاجه جديد في حياتك دايما دور على الحاجه اللي تقدر تتغير بيها للاحسن والأفضل والاصلح ليك مش للناس حلو التغيير لما يكون من القلب .. حلو التغيير لما يكون من جوانا قبل برانا .. حلو التغيير لما يكون للاحسن .
٣_ العلاقات : اتمسك بالناس اللي بتحبك بجد وبتكون سعيد ومطمن بوجودهم .. اعمل اللي عليك في إصلاح علاقاتك وابعد عن اللي بيهدك ويستنزفك طور وحسن علاقتك بربنا هتلاقي وقتها علاقتنا بنفسك بتتحسن ودا ابعد عن العلاقات السامة واللي هيكون لينا ليها مقال كامل
٤_ المعنى : الحياة بدون معنى وهدف سامي لا تسوى شيئا .. ايه هو معنى حياتك لابد من هدف كبير وعظيم تسعى وتتعب علشانه .. الحياة الفارغة مميتة وبتزود افكارك السلبية
٥_ إنجازاتك: الشعور بالإنجاز احتياج اساسي عندنا كلنا وبنحلم بيه دايما فكر نفسك بإنجازاتك التفوق سمة أساسية فينا كلنا هات كشكول جميل وافتكر كل إنجازاتك واكتبها واكتب مشاعرك اللي حسيت بيها هتحس إنك مبسوط قوي وهتقول مانا جامد قوي أهو.
خطوات بسيطة لكن حقيقي سحرية في رفع مستوى مناعتك النفسية وصمودها
قد تكون صورة ‏‏‏شخص واحد‏، ‏‏وقوف‏، ‏ساعة يد‏‏‏ و‏بدلة‏‏
Share Button

By ahram misr

رئيس مجلس ادارة جريدة اهــــرام مــصر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *