Share Button

لو العالم يعيش في سلام 

الشاعر / محمد منصور 

لو العالم يعيش في سلام‘ويحلو الناس مع الأيام

نلاقي الدنيا دي جنة ‘ وتبقى أحلى من الأحلام

ويبقى فرحنا دايم ‘ ما تعرف توصفه أقلام

تعالوا سادتي يا كرام ‘ تعاوا نحب كل أنام

نكون بلسم لبعضينا ‘ ونشفي الجرح والآلام

تعالوا نروح لأمانينا ‘ وأيامنا وليالينا

تعالوا نروح لأحلى حياة ‘ ويخرج أحلى ما فينا

حياة الحب والإيخاء ‘ ونسبق كل خطاوينا

نمد إيدينا للمحتاج ‘ ونوصل كل من لينا

ويبقى الحب لنا غاية ‘ لكل قلوبنا أغلى وسام

تعالوا نرقى بالإنسان ‘ ونبدل فرح من أحزان

تعالوا نبني ما نهدم ‘ ونملا حياتنا بالإحسان

وطول ما الحب جوانا‘حياتنا تكون ف هنا وأمان

تعال يا أخي الإنسان ‘ تعالوا نوحد الدّيان

تعالوا نحب ما نكره ‘ وترقى كل أغانينا

تعالوا نرقى بالأعلام ‘ ونمحو العنف م الأفلام

نربي كل أطفالنا ‘ على السماحة بالإسلام

تعالوا ننسى كل خصام ‘ وننسى أي عتب وملام

يعم النور ف كل مكان ‘ وبالدنيا ما ييجي ظلام

تعالوا نوحِّد العالم ‘ تعالوا نوصل الأرحام

 

بقلمي الشاعر / محمد منصور

Share Button

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *