ليه
الشاعر / محمد منصور
ليه الدنيا بتلعب بينا
لحظة معانا وعمر علينا
أخدت منا أعز حبايب
دايماً تاخد ما بتدينا
ليه نستنا فيها الفرح
مالناش فيها غير الكدح
واللي كانوا ف يوم حبايبنا
ضغطوا علينا وزادوا الجرح
دنيا عجيبة غريبة مريبة
زي ما ترسي بترسينا
ليه دنيتنا مرار في مرار
ليه قلوبنا فيها بتحتار
لحظة فيها نعيش جنتها
وبعد اللحظة ف وسط النار
حفنة صغيرة ليه بإيديها
هلاك العالم بقى بقرار
ليه الكره سيطر فيها
حتى الحرب بقت بزرار
فين الرحمة فين الإنسان
بس كفاية خراب ودمار
بالأمن ندرك غاياتنا
بالسلم نحقق أمانينا
يلا نمد أيدينا لبعض
وهنتجاوز كل الصعب
يلا نخرَّج أحلى ما فينا
وننول كلنا أجمل وعد
نضحك ع الدنيا الغدَّارة
وبالود نحقق السعد
يلا أخوة في كل مكان
تعالوا نحطم كل البغض
بالحب نصنع أحلامنا
بالعطف نكلل مساعينا
بقلمي الشاعر / محمد منصور