Share Button
بقلم مصطفى سبتة
انا مش عايزغير بس حقى
حقى اللى وعيت عليه
واسيب ازاى ده حقى
واتساوم ياناس عليه
مش ممكن هنسى حقى
ولااعيش غيربس بيه
من الدنيا وم اللى فيها
مش لاقى ناس بتنصف
مش لاقى ناس بتعطف
مش شايف غير انين
انا ماشى وفى دوامه
والصبر طريقه فين
وناس تايه وجعانه
وناس ناهبه وجبانه
كل العيون لوامه
بتقول الكلمتين
سهران وحدى وبعانى
من قسوة خداعين
وناس مكنتش حاجه
بقاهما مسيطرين
يا دنيا وليه بتقسى
على كل الشقينين
وسايبه الناس الديابه
فى الدنيا غدارين
دنيا ومش باقى فيها
غير دمعه محرومين
بيبصوا لكل حاجه
وهما معذورين
حق الناس الغلابه
فى رقبه مين ومين
عايشين فى دنيا غابه
وشويه نصابين
والقسوة والحرمان
والخلق مجروحين
وكلام فوق الشفايف
وعيون شايفه اللى خايف
والكل معدشى عارف
مين عايش ومين حزين
الطيب فى الزمان ده
الناس تدوس عليه
يشقى وغيره جاحد
واجره كام جنيه
رئيس لكل مواطن
راعى حق المقهورين
معاش تامين وشامل
ونجيب رؤساء منين
مسؤل سيد وباشا
هاتوا حق الشقينين

By ahram masr

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *