آسفة حبيبتى
كتبت عن كل شيء إلا عنك إنت
آسفة حبيبتى
أنا لو آلاقى كلام يليق بك إنت
كنت قلته..
وكان الكلام بدايته ونهايته إنت
آسفة حبيبتى
عاوزاني أقول كلام يعجز أمامك إنت
الحروف تقولى سلام ..
تهجرني بسببك إنت
آسفة حبيبتى
يا أمي ولا طلقة مخاض توفيك حقك إنت
هى مش بس بكلمات.. ياإحساسى إنت
خايف ربي يسألني..
لما اذكرك إنت
و اعجز عن شكرك زى ما أمرنى.. بك إنت
آسفة حبيبتى
عارفة يامايتي .. يعنى إيه حبك إنت
يعنى حصن..
من غدر الزمان.. هو إنت
يعنى حضن يحتوينى كلى.. يدفينى يا إنت
و اى كلمة تعجز أمام رمز الأمان بحبك إنت
تعجز أمام نظرة عينيك بحور غرقت فيك إنت
يا برى وجوى وبحرى وشط الأمان إنت
آسفة حبيبتى
يا حوت.. ذا النون.. حنون ..حافظاني إنت
مش هقولك بحبك.. هقولك.. كفاية حبك إنت
آسفة حبيبتى
حبى إيه العاجز الأنانى ..قدام تضحياتك إنت
حبى إيه اللي ينتهي.. وإنت من بدايتى لنهايتى إنت
آسفة حبيبتى
تسمى علية.. وتخافى كأنى.. لسة بحبي.. شفتى
شفتي ..عرفتي.. عذرتيني.. بعجزي.. أمامك إنت
آسفة حبيبتى
أخفض جناح.. من ذل حبى لكى إنت
وأول كلامى.. وآخر كلامى.. كلمة أمى.. يا إنت..
آسفة حبيبتى
يا أمة مجتمعة.. في شخص مآله تانى.. هو إنت
آسفة حبيبتى
الكاتبة الصحفية غزاله عطيه