Share Button

حوار الاعلامية/وفاء عطية العشرى

بهذه الكلمات بدأ الشاب “محمود الفحل” صاحب الـ ٢٣ عاماً حديثه فهو من مواليد محافظة القليوبية مركز شبين القناطر فهو في الفرقة الرابعة كلية حاسبات ومعلومات (علوم حاسب)

١- لكل حرفة بدايات فكيف كانت بدايتك؟

بدأت سنه ٢٠١٤ بإني أكون ممول علي صفحات ترفيهية علي “الفيسبوك” فحبيت مجال الماركتينج و حبيته أكتر في الكلية بتاعتي لأني فهمته صح علي يد د.ليلي شلتوت، د.برناديت زكريا وبعد كدا بدأت اخد كورسات أونلاين وبعد سنتين بدأت اشتغل مع فنانين ولاعبي كورة قدم .اشتغلت في السياحة الداخلية زي الرحلات والبواخر

هل اشتغلت شغل تاني غير الماركتينج؟

اشتغلت في مواقع كتير أونلاين زي “مطور بلوجر” و”سيو للمواقع”، شركات إعلانات أشهرهم جوجل

إيه هي أكتر مشاكل كانت بتواجهك؟

الإمكانيات وسرعة النت في مصر كان شئ سلبي جداً بالنسبة لمجال زي مجالي، ووعي الناس بشغلي عمتاً لأن العميل مش عارف أنا هقدمله ايه بالظبط، دا غير الإحباط من بعض الناس اللي حواليا في الفترة دي زي إن المجال دا صعب إني اقدر أوصل فيه لحاجه.

إيه هو سر نجاحك وإستمرارك ؟

المثابرة في أي مجال من المجالات هي أهم أسباب النجاح وهي المفتاح الكبير ليه ، ومن غيرها صعب تحقق أي نجاح في حياتك وكمان مش هتستمر في أي مجال، وآخر شيء لازم يتوفر في أي شخص عشان يوصل للنجاح في مجاله العملي هي الثقة بالنفس.

مين أكتر حد كان بيشجعك؟ ووالدي ووالدتي وإخواتي كانوا دايما فـ ضهري ومعظم أصحابي كمان كانوا بيشجعوني دايما.

هل أنت راضي عن اللي حققته ؟

لا لسه، أنا دايماً بحاول أنمي نفسي وأن أواصل مسيرتي المهنية ، لأنه مينفعش يكون في سقف للطموح.

نفسك توصل لإيه؟ انا أسست شركة تسويق اونلاين بس لسه مليش مكان علي أرض الواقع إسمها “بتاع ماركيتينج” نفسي تبقي من أكبر شركات الماركتينج في مصر.

كلمة في نهاية لقائنا ؟

عاوز أقول إنه ضروري لكل شخص أنه يثق في نفسه وإنه يكون ليه هدف يحاول أكتر من مرة في الوصول ليه ومينفعش ييأس أبداً..

النجاح صعب لكن يستاهل، اعمل كل اللي تقدر عليه في أي مكان تتحط فيه وربنا هيفرحك أوي لأن دايما اختيارات ربنا لينا بتكون احسن مليون مره من اللي احنا عاوزينه.

Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *