Share Button

 

بقلم الدكتورة : هدير سعيد 

أخصائي نفسي وتعديل سلوك وعلاج ادمان

 

خليك زى السفينة بتطلع رحلة في بحر ، وهي عارفة ان هيواجهها صعوبات من رياح و ظلام و إرتفاع أمواج ، لكنها لازم تطلع و تبحر عشان دورة الحياة تكمل و تستمر ، و برغم المصاعب دى نسبة ضعيفة جدًا من السفن هي اللي بتغرق.

 ده بنسميه في (المعالجة النفسية)

                         التوجه نحو الحياة 

اللي هو عبارة عن دافع بيحافظ علي بقاء الإنسان، وهو الأساس اللي بيخلى الإنسان يحط أهداف و يتمسك بالتزامات ناحية نفسه وحياته.

والتوجه ده عشان يبقي مُتزن بيكون فيه ميل للتفاؤل، و توقع لحدوث أشياء كويسة ف المستقبل.

والتوجه ده بيحتاج :-

شعور بتوافق نفسي.

شعور بالقيمة و الجدارة الشخصية.

مشاركة إجتماعية فعالة.

شعور بالأمان والسلامة.

الإحساس بالأمان.

أنشطة حياة ذات معني.

سلام و تكامل بدنى.

 حياة مُنظمة.

و عشان دا كله يحصل لازم تبقي زى السفينه و…….

تقبل اللي ما تقدرش تغيره و تجتهد ف اللي تقدر تغيره عشان تتوافق نفسيًا.

تأمن نفسك و تاخد حذرك و تبقي مستعد للصعاب عشان توصل بسلامة نفسية.

تحس بقيمتك و قدرتك و جدارتك و نجاحك و تشوف الحلو قبل ما تشوف الوحش.

تتعامل مع الأشخاص بحدود صحية وتحط كل واحد في مكانه الصحيح عشان مشاركتك المجتمعية تبقي فعالة.

تحس بالانتماء لأفكارك لأسرتك لبيئتك.

تقوم بأفعال ذات أهمية لجودة حياتك تذاكر ..تدرس .. تشتغل .. تزور قرايبك و أصدقائك … تساعد البني أدمين.

تحب جسمك و تهتم بيه وتحافظ عليه لأنه شريك حياتك.

حياتك تتنظم ، و تترتب عشان تنجح وتحقق.

Share Button

By Ahram.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *