Share Button

..إنسان…
للشاعرة/ هيام_ رضوان
أنا الإنسان انا التايه ما بين الحاضر
واللى كان…
انا الجرح اللى بينزف كما البركان…
أنا الطفل بفرحته وسرعة دمعته…
وخوفه من العتمه ورا الجدران…
أنا الظل اللى فاته الزمان…
أنا القصة اللى ما كملت من الفنان….
أنا الاحلام الناقصة فى دنيا من الأوهام….
أنا انت بدون رتوش ولا زينة ولا ألوان ….
أنا الفكرة اللى ماتت فى رحم اليأس بلا عنوان..
أنا القاتل أنا المقتول بخنجر من الأوهام..
أنا الإنسان اللى صفحات كِتابه من الحرمان.
وإن ضحك مره من قلبه وضحكته رنت
حبسوه بتهمة إهانة الأحزان..
أنا أنت ومهما تنكر بدون لف ولا دوران..

ربما تحتوي الصورة على: ‏شخص واحد‏

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *