Share Button

بقلم .د .محمد فخرى

يا عمر

لما حد يقول لك بلدك إيه؟؟ … إوعى ترد وتقول أنا إسماعيلاوي

قولهم أنا بن البلد إللي فيها مقر قيادة الجيش التاني(أكبر الجيوش العربية)

أنا بن البلد إللي فيها المقر الرئيسي لهيئة قناة السويس عصب اقتصاد مصر

أنا بن البلد إللي فيها المقر الرئيسي لشركة المقاولين العرب اللي بنت مصر وافريقيا

أنا بن البلد إللي منها عثمان احمد عثمان عاش عليها وادفن بين ترابها

قولهم أنا بن البلد إلي فيها قناتين (قناة السويس القديمة وقناة السيسي الجديدة) وفيها جامعتين بنفس الاسم وفيها ٣ مطارات حربية

أنا بن البلد إللي فيها أكبر كوبري معلق في العالم (كوبري السلام)

أنا بن البلد إللي الوحيدة في العالم اللي بتربط بين قارتين(أسيا وأفريقيا)

أنا من بلد الدراويش برازيل مصر أحسن نادي في الكون وكل أندية مصر عيونها عليه

إحنا البلد إللي ارتوت بدم ١٢٠ الف شهيد في حفر القنال قبل ما ترتوي الأرض بمياهها

إحنا البلد إللي اقتصاد العالم بيعدي من عندنا في مراكب

ومن الآخر كدة قول لصاحبك يا عمر (اول ماتشوف اسم الاسماعيلية) قوم من مكانك وانتفض وادي التحية العسكرية لاسم البلد إللي عومت السفينة وأنقذت اقتصاد العالم.

كلمات من قلبي في وصف أطهر بقاع الأرضإسماعيلاوي عاشق تراب الدراويشفخري الإسماعيلاوي

Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *