الشخص ده أكتر واحد مُعرَّض للجلطات الدموية والدماغية .. لأنه بيكتم العتاب واللوم والزعل جوّاه عشان لو نطق حرف واحد ممكن يخسر اللى قدّامه فبيسكت عشان الدنيا تهدا وهي نار بداخله من الأساس وده بيأثر على صحته لا إرادياً
ما بيعرفش يقسى على احد أكتر حد بيقسى على نفسه لا بيعرف ياخد موقف ولا بيشيل بيكتم الصفعة كويس جداً لكن لو ردَّها لك بيكون في البُعد بلا نهاية هيفارقك ويمشي والرجوع عنده هيكون من المستحيلات وقتها
راقي جداً في ردّ الألم ألمين لأنه في الأصل كان راقي جداً معاك في تكبير دماغه عن التصرفات الصغيرة التافهة بالنسبة لك وبالنسبة له هو كوارث ضخمة
أسوأ صفة في الشخص اللي بيسامحك بإستمرار إنه هيجبرك تندم على خسارته بشكل يوجعك لما تعجز إنّك تعرف تعوّضه
لما بيخلص مخزون الصبر عنده بيبقى إنسان تانى خالص تحس ماقابلتهوش قبل كده .. ده انت جايز تندم إنك قابلته من كتر ما انت حوّلته وغيّرته على إيدك من شخص متسامح لشخص إنتقامي
هَـيرجّعك ” حد غريب ” .. هيعرف يخليك تلّف حوالين نفسك لما تجرّب التعامل مع غيره وتكتشف إنّك ضيّعت ” كِنز ” بمعنى الكلمة
الشخص اللى بيسامح بإستمرار بيجي عليه وقت ويكره نفسه لكن عُمره ما هَيخسر نفسه لأنه عارف قيمة نفسهُ كويس جداً
المُتسامح مش حد ساذج و لا ضعيف المُتسامح حد عنده قدرة مش عندك كمان عارف يعفو امتى ” العفو عند المقدرة ” ويسكت امتى وينفجر امتى
كمان عنده القدرة اللي تخليك تخنق نفسك بنفسك
خاف من اللى بيسامح جدا لأن خسارته بتوجع جدا جدا
بلاش تستهين بغفرانه الكتير لأن اللي هيندم في الآخر انت مش هو
