Share Button

حماد مسلم يكتب 

في حقيقة الأمر غلاء الأسعار واستغلال التجار لاحتياج المواطن لبعض السلع جعلنا جميعا نضرب كف علي كف السؤال اذا كانت اسعار الحيوانات الحية مثل الخراف والماعز والابقار والجاموس مابين مائة وعشرين ومائة واربعين ويعلم ربنا ممكن يصل ويعدي المائة وخمسين وانا بكتب المقالة يعني تقدر تقول كده اللي كان بيضحي بعجل مطلوب يوفر علي اقل تقدير من خمسين لستين الف ده العجل العادي ولو كان صاحب وزن ممكن يعدي المائة الف واللي كان بيضحي بجمل عليه يحضر من تلاتين الف تعالي بقي الخروف ممكن يعدي العشر الاف والجدي من تلاته وانت طالع يعني قول كده الاضاحي للصفوه اما البسطاء اللي زي حالنا حلوه قوي فرخه امهات في حدود خمسمائة جنيه او ديك امهات يؤدي الغرض …عزيزي القارئ شعيرة الأضحية واجبة علي القادر ونحن بدورنا بنقول للقادرين متنسوش الغلابة اللحمة مش بتتخزن في التلاجات ونتفشخر بأننا بنضحي بعجل وزنه طن ولا جمل هضبه ولا فحل جاموس يعدي علي اي حال من الممكن ان نتلاشي الازمات من خلال مشروع قومي لتربية علي الاقل عشره مليون رأس سنويا والله وقادرين علي ذلك بس نبعد اصحاب السبوبات عن تلك المشروعات ياساده اللي خارب مصر والبلدان العربية السمسره التي نطلق عليها العموله تبقي مستورد رؤوس العجول او الجاموس بجنيهات لا تتعدي رأس الحيوان عن عشر الاف جنيه بقدرة قادر رسوم وعمولات تجد العجل واقف عليك بتلاتين او اربعين الف تعالي بقي علي العلف ونصيبته السوده وتحكم التجار واحتكاره ايضا مصيبه من مصايب الدنيا السبعه تقدر تقول كده الكبار بيقلبوا الغلابة وبيقسموهم في لقمة عيشهم وكل ده حكومتنا شاهد مشفش حاجه عامله نفسها من بنها وسايبه التجار علي الشعب يتكوي بنار الاسعار الغلابه وبسطاء الأمة …الاضحية اذا كانت شعيره من شعائر الاسلام فايضا كفالة الفقراء ومساعدتهم واجبة فعلي الحكومة مراقبة الاسواق ومحاسبة المحتكرين ومصاصي دم الغلابة ياساده بكل امانة نحتاج الي فهم ديننا صح الاسلام برئ من تلك الافعال التي جعلتنا نلعن الكبير والصغير في النهاية يأتي علينا رمضان بالخير ونأمل ان نجد من يخاف ربنا ويتقي ربه في الغلابة احنا مش بنطالب ان نضحي بس نعيش كويس والمرتحين علي قفا الشقينين يدفعوا الضرائب المستحقه عليهم وعلي الدوله بلاش الجباية علي هيئة ضريبه علي هامش المقاله موسم الكرتونه بشايره طلع وكل الاحزاب دون استثناء بدؤوا في الاعلان عن كرتونه الخير وكتف في كتف ومطعم الخير والله كله مسكنات ….الحقيقة المؤسفه اننا بنجرج ونتراشق بالالفاظ علي بعض
Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *