الحساب
عبدالله رجب ابوعدنان
لما كنت قاعد وحدي
شوفت القسوه ف عيون البشر
حتى مراتي وبناتي
دمعتي نزلت وحسيت بالخطر
واخويا وحبيبي وخلي
باعني وقلبي م الحزن انفطر
انا اللي ياما زرعت وردي
وزرعت الحب ف قلب الحجر
كنت بوزع ضحكتي
وجوايا دموع تشبه المطر
صحيح الحساب كان قاسي
ولا يمكن لأني ضعيف في الحساب والجبر
حتى صاحبي كان زي ضلي
ف حياتي كأنه ما حضر
كل المؤشرات كانت بتقولي
اعمل حسابك واتك ع الصبر
خلاص يا دنيا انا ف حلي
وراضي بالنصيب و القدر
ورسالتي لكل اللي ظلمني
بعد الليل لابد من طلوع الفجر