العذراء برج العظماء
بقلم :رانيا فاروق
مليش اوى فى الأبراج و مش بركز فيها اوى بس مصدقه جدا أن كل برج و ليه شخصيته و طباعه إلى بتغلب عليه و بتميزه .. بدءت ببرج العذراء لأنه برجى و انا مبحبش أكلم عن نفسى كتير زى ما كلكو عارفين! لكن برج العذراء فى العموم يعنى بيقولو عليه حمال الاسيه يعنى شاف في حياته كتير من مشاكل لابتلاءات بس اكتر حاجه بتميزه انه Never give up مبيقعش و ينتهى بيقع و يقوم و ممكن كمان يقوم أقوى من الأول الدروس فى حياته بتعلمه مش بتعلم عليه ..،! من كتر ما شاف بقى متأقلم جدا مع كل حاجه صعبه و ممكن يكون عنده مشاكل بس واقف جنبك في مشاكلك بيواسيك و بينصحك و بيقولك حلول كمان . معروف عنه أنه بيتخدع في الناس مع أنه عامل فيها واعى و محدش يضحك عليه بس بيشوف ربنا بيكشفله كل مره الناس إلى بيديها الأمان بيكشفهم ليه على حقيقتهم و دول كتير اوى بعد ما بيخترق قلوبهم و بيعرف إلى جواهم للأسف مبيعرفش يكرهم بينسى و يسامح في أقرب فرصة بيرجعو ليه تانى و ده بردو بيحصل كتير .. و مش معنى كده انه برج ملاك ؛ مفيش حد كامل ، ،.
خلاصه الكلام من غير ابراج ولا حاجه : ليه بءه! ها!
ليه الناس عموما بقت كده مبقتش زى زمان زمان نادر الواحد أما كان بيقابل حد وحش دلوقتى الكويس هو إلى نادر أو مش موجود اصلا!
صفو قلوبكو يا جماعة ديما بقول الكلمة ديه . اتمنو الخير للناس زى ما بتتمنوه لنفسكو ، اعملو الخير و انسوه و ربنا هو إلى هيرده ليكو أضعاف ؛ حبو بعض من غير مصالح ، لو فى ايديكو تساعدو حد ما تبخلوش ، لو فى أيديكو تفرحو حد حتى لو بمجرد سؤال عنه اعملوا كده ، الناس لبعضيها .. مجناش الدنيا عشان نغل و نحقد على بعض .. الدنيا مش مستاهله ..
اتمنالكو ديما السعادة و الحب و القرب من كل إلى بيحبوكو و يتمنو ليكو الخير