Share Button

القلب الطيب

قصيدة بقلم : الشاعرة فاطمةحامد محمد

كان فيه قلب طيب

عمره ما استحمل
لحظة قسوة علينا
طول عمره مشترينا
عمره ما جرح فينا
بس إحنا إللي
جرحناه بإدينا
ميستهلش الجرح
من تاني وكان قلبي
هوه إللي أناني
ليه جرحناه ياقلبي
والله حرام علينا
سامحنا طول حياته
وحنينا كتير لذكرياته
بس عمره ما هيرجع
تاني لينا دي الأسية مرة
واحنا جرحناه اكتر من مرة
وكان ولا همنا قهرته
ولا حتي فرقته
وعملنا كده بإدينا
ومش كتير علينا
اللي حصل لينا
علشان قلب طيب
كسرناه بإدينا ولا تمر فينا
إخلاصه وإحساسه
إللي كنا شايفينه بعنينا
ولا كان صدق حبه
بالمرة يعنينا
كتير مش بنحس
بقلوب طيبة حوالينا
بس القلب الطيب
بيفضل طول عمره
طيب وبيحاول يأثر فينا

Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *