بقلم/هيام_رضوان
دموع الصبية تجرى
على الخد تملى بحور
تحكى حكاوى عجب!
على قلب كان مسحور
عشق ولا كان يتخيل
يوم يجى عليه الدور
عشقت ملامح صور
من غير ولا كلمة
والصورة دى مكسورة
والقلب فيه عتمة
يا بتى اسمعى كلامى
وحطيه حلق فى ودانك
ينور طريقك ويخفف
أحزاااااانك
اللى يعشق يخاااف
على المعشوق من كلام الناس
يخاف عليه من كلمة
تحبس الأنفااااااس
يشيل صورتة بين الضلوع
حراااس !!!
توقف دقات قلبه 💖💖
لو حبيبه كان موجوع
عارف أن طريق العشق
طريق ما منه رجوع
لكن الصبيه غواها
سحر الكلام الزين
ورسايل الهوا الفالصو
اللى ما تساوى نظرة عين
يا صبيه شيلى قلبك
لجل اللى يحميك ويصونك
يراعى فيك عهد الله
وعمره قلبه ما يخونك
وإن خط الزمن قلمه
على ملامح وشك الزينه
حتفضلى دايما فى قلبه
زى الوردة فى جنينة