اللحمة والفراخ والفول
اللحمة والفراخ والفول
كل واحد منهم بيقول
على نفسه كلام معقول
تعالوا نسمع لهم بعقول
واعية و فاهمة لكلٍ دور
اللحمة بتقول
أنا زعيم اللحوم
تعالي ياللا يانسان شوف
ياكلني إللي معاه موفور
من مال و كتير محروم
من فايدتي ولذة تدوم
أنا كلي بروتين ودهون
يابخت من معاه اليوم
ثمن كيلو يكون محظوظ
الفراخ ردت بتقول
بصوت كله غيظ مكتوم
قالت أنا لحمة المحروم
أحسن منك و سعرى معقول
يامتكبر على الخلق و مغرور
أنا كلي بروتين ودهون
بيحبني كبير وصغنون
و بيضي بروتين وكالسيوم
يعني أحسن منك صعلوك
الفول عليهم رد بقول
تعالوا معايا نشوف
أنا طعام الغني و المحروم
.
ربي حبان بكل دول
بروتين ومليان بزيوت
وفيتامينات ومغانسيوم
والسكر يكون مضبوط
والسكتة الدماغية تزول
مليان معادن فسفور
للرجيم و للقلب لي دور
سبحان الله غني قيوم
ب الغلبان رحيم وحنون
إيه رأيكوا في حوار دول
اللحمة وفراخ والفول
ياللا كلنا نرد ونقول
كلكم نعمة من ذا الطول
نحمده على رزقه ونقول
الحمدالله رب الكون
الإنسان طماع مغرور
خلي الأسعار عالية لفوق
من غير خشي من القيوم
ولا رحمة بفقير اليوم
شبعانين ونسوا المحروم
والله شاهد على كل الكون
وكله هيتحاسب في اليوم
لاينفع فيه مال وبنون
الكاتبة الصحفية غزاله عطيه