بقلم / السيد حماد
ست الستات وبنت أصــول
عاقلة ورزينة فعــل وقــول
وفـــية وتقـــية وقـــــنوعة
لو هاتكلــــها بملــح وفــول
صاينة راجلها حاضر غايب
شرفها تاجها وساعة غضبها
زي الغـــــول فعل وقــــول
رقيقة وديعة جميلة مطيعة
لابوها واخوها لخالها لجوزها
عارفة حدودها بنت أصول
نعم وحاضر بس ياشاطر
ساعة الجد سيف مسلول
عرفت ياشاطر
ياللي اسمك تامر
ياسليط ياعبيط
ياعرة يافاجر
تقدر انت تقول لمراتك
لاختك بنتك أمك
ماتخرجيش
أو قبل ماتخرج بتكون
عارف راحت فين
والله ياتامر تشبع تلطيش
ومقضي حياتك آخر تطنيش
وبتوهم نفسك ياتامر إنك
مواكب عصرك
يعني اسبور او متنور
يعني مودرن واللي يدور
يلقاك ساكت علشان تعيش
وتاكل عيش
وانت ساكت عصبن عنك
أو بمزاجك
لأنك خابف م التلطيش
إسمع يابتاع
الواد مناع مستحلفلك
وام محمد حالفة تذلك
دي صعيدية
في الحق قوية
تمس شرفها تبقي
رقبتك هي الدية
دي صعيدية
بطنها يابني مصنع رجال
صيحة صوتها دي زلزال
وان غاب جوزها بتكون هيا
أب وام للعيال
تشمر إيدها وتشق جبال
وتجيب لقمتها بالحلال
تقلع توب الأنثي وتلبس
عمة وشال وتبقي رجال
تقدر انت تقول لمراتك عاوز شاي
والله تبقي فرجة ياتامر
للرايح قبل الجاي
اما البت ستيتة صعيدية
عارفة حدودها ومتربية
يبقي معاها شهادة جامعية
وتطبخ تكنس تمسح تغسل
وتحلب جاموستها م الفجرية
ونعم حاضر بنفس هنية
لابسة عباية وجلابية
وطرحة وشال ومدارية
لا لابسة محذق ولا تتذوق
ولا محتاجة تركب عربية
والله أصيلة حلوة جميلة
طبع وشكل زي بهية
ماهي صعيدية
عرفت ياتامر مين هيا
شبشبها يوزن منك مية
ولا يكفيها إلا رقبتك
حق ودية