المسحراتى
صحو المسحراتى وطنى غرق فى النوم
عدى ميتين رمضان ووطنى مش بيقوم
لا حس بالفرحه ولا ودع الاحزان
يا وطنى يا مغلوب مقهور بين الاوطان
يا مسحراتى وحشني فينك بقلنا زمان
لا سمعنا صوت طبل ولا اصحى ياغفلان
اخدنا ع الغفلة والتوهة والحرمان
صحو المسحراتى قبل الاوان م يفوت
يا وطنى نومك طال اصبح شبيه للموت
والصبر وقتو فات ننده بعلو الصوت
يا مسحراتى انجدنا صحى الوطن ليموت
محمد سليمان حسن