انا الشهيد
كلمات تامر عيسي
والاعلاميه سمر البنداري
ما تبكيش عليا ياما
انهارده لياعيد
ضمنت ليا و ليكي الجنه
افرحي يا ام الشهيد
انشر لهم مذكراتي
واحكي ليهم تاريخ حياتي
فهيمهم وعرفيهم
مين انا و يعني ايه شهيد
( انا الشهيد)
اختار يموت عشان بلاده
(انا الشهيد،،)
عشان تعيشوا يتم ولاده
انا اللي في عز البرد صاحي
وانا اللي في عز الصحراء ماشي
شينجي و برنجى و تمام يا فندي
و عمري عدي كتفآ. سلاحي
انا الشهيد
في كمين ونقطه، اموت في لحظه وعايش
حياتي متغرب يامه عن حضنك بعيد
ما تبكيش علي ياما النهارده احلي
عيد طمنت ليا وليكي الجنه
وانتي بقيتى ام الشهيد
_____
احكي وقولي لما اتولد
اه ع الولد كان ابوه بيه سعيد
خمس بنات وجه السند
وخاف ما الحسد
كتب اسمه عبد الحميد
(ابني الوحيد)
يقف في ضهري ويكون معايا
(ابني الوحيد)
لما اموت ياخذ عزايا
ولما احتاجته البلد راح، تطوع للتجنيد
ابني وحيد
ولا قال اعيش لنفسي وحياتي
وكان سعيد
وقال اموت علشان بلادي
كتب بدمه اسمه وطريقه
اختار يكون الموت رفيقه
ولما، الرصاص الخسه جاله مات اسد سلاحه بايده
وساب ابوه تاني وحيد
انا الشهيد
انا الشهيد
ماتبكيش عليه ياما النهارده عليا عيد
ضمنت ليا وليكي الجنه افرحي يا ام الشهيد
—————
انا التاريخ لو يحكي عني يكتب بدمي ويسطر تاريخك يا مصر
والزمان يشهد كمان
اني شهيد ضحى بعمره وقدم حياته لمصر مهر
انا الشهيد
دمي في ترابك يا سينا
جيشنا الوحيد
دم احمد مع دم مينا
انول شهاده يا اما نصري
وطني عباده
واصلي وفصلي
اعيش لبلدي قد التحدي شهيد وضامن في الجنه قصري
و اشوفك على خير يا امي
في جنة الله المجيد
ما تبكيش علي ياما النهارده ليا عيد
ضمنت ليا وليكي الجنه افرحي يا ام الشهيد
وافرحي يا ام الشهيد
انهارده احلى عيد
النهارده ليا عيد
