الشاعر المصري/أحمد إبراهيم النجار
يكتب/والله عاش
إللي عابر من حصونهم
واللى طافي فجر نورهم
واللي حقق إنتصار
كان مقاتل إبن راجل
فوق رؤسهم والله داس
والله عاش والله عاش
كل جندي مصري
واقف ع الحدود
اللي حامي توب خضارك
واللي ضحي
بدم غالي فوق ترابك
في العبور
واللي واخد
يوم بتارك م اليهود
والبطولة والرجوله م الأسود
يعلي صوت آلله اكبر ع الحدود
واتزلزلت كل الصهاينه والحصون
لسه مينا ودم أحمد ع الدروب
لسه فاكر
حضن ساكن ف الضلوع
مصري مصري
فوق جدار المستحيل والحصون
إللي هد واللي مد
في النهار كل الخطوط
والصراخ عالي برعشه م اليهود
والخوف يسود
والرعب ساكن ف اليهود
الله أكبر ع الجنود عبروا القناة
وآلله عاش اللي راسم انتصار
فوق خدود ضحكة وطن
آلله عليك ياوطن دايما كبير
والشعب كاسر
اي شيء او مستحيل
دايما يا شعب مصر
راجل من زمان
طبع الكرم والكرامة
ف ضحكتك
وف خطوطك
وف عزتك
وتحيا مصر بشعب مصر
والله عاش والله عاش
بقلم الشاعر المصري/احمد إبراهيم النجار