بحبك
محمد سليمان
بحبك وانت متعرفش
وقلبي في هواك جامح
عيوني بتسرق النظرات
لعينك وانت ليه سارح
وغافل ليه وانا بهواك
ده حتي لو تفوت صدفه
تاخد قلبي في رحله معاك
يطوف الدنيا ويشوفها
ويرجع يحكي لجوارحي
وتترجاه يقول تاني
بحبك من طرف واحد
لا انا مجنون ولا اناني
ولا بتمني اعيش وياك
انا جواك بنيت داري
وعايش عمري كله معاك
وانت بيا مش داري
ولو فتشت يوم جواك
تلاقيني في كل مكان
جنايني جوا بستانك
بيروي زهوروا شوق وحنان
ده انا حارس لوجدانك
انا بهواك بقالي زمان
تصدق عمري ما اتمنيت
تاخدني مره في حضنك
انا بحبك استكفيت
ولو قربي يكون حزنك
هبعد قد ما اتمنيت
اشوفك مره لو صدفه
واعيش عمري علي ذكراك
واتمني تكون فرحان
يا حب عمرو مافارقيني
يا مالك القلب والوجدان
ياحب من طرف واحد
لا انا نادم ولا زعلان