Share Button

جدريات

 بقلم : نها النجار

جدران البيوت ساكنة جوانا -محوطة احلام كتير رسمناها -ذكريات حب وهجر بكا موت وحياة عشناها -صوت ندا مدفون بين حناياها -وصورة متعلقة تقول مشنوق اللي ساب نفسه يتبروز — وساعات وقفة وشغالة مش فارق الوقت — ومسامير ادقت في خشب زي الورد -ابواب متلزق عليها ميكي وبطوط بألوان بهتت مع العمر -وعصاية عمرها ما ضربت حد -وسلك اتمد ساعة مذاكرة واتشد – يا قلوبنا اللي اتحفرت في الخفا من غير ما يدرا حد – وشبابيك متفتحة علي مشهد قديم مالوش زي — وشجرة مستنية اخر نوة تغسلها قبل حبايب الصيف ما يعيروها – وتراب واوراق مطوية من غير عدد — صور مقصوصة لذكريات مدفوسة –وكلام مكتوب ما يفهمه غير صحبة —طلاسم حياتنا كلها بتنفك —اسرار لناس عايشة بتتنفس هوا بعض — بيشوفوا بعيون واحدة مشاهد الفرح والحزن — في سبوع الصغير غربلة الكبير –وفي موت الكبير ضاع الصغير —-جدران بيوتنا حكايات

Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *