دايما معايا
ــــــــــــــــ
قاعدة جنبي بيكي بتونس
أكلمك وتكلميني
أضحكلك وتبتسميلي
ألمس ايديكي واحضنك
علي خدي تبوسيني
حكايات كتير بنحكيها
أقول الجملة وتكمليها
ونضحك من قلوبنا عليها
بقينا خلاص روح واحدة
عقل واحد لسان واحد
قلب واحد
بقينا قصة انا فصولها
وانتي معانيها
ولما اجي انام
اخدك جوه حضني
تسأليني مين حبيبتك
قلبي يرد انتي
انا منك ومني إنتي
واخدك في حضني وانام
حقيقه مش خيال
وأنفاسك تداعب شعر صدري
زي النسيم جوايا يسري
واحلم بيكي في المنام
رغم انك جوايا
واصحي م النوم
عيني تتلفت عليكي
الاقيكي
علي طرف سريري
واحشاني بسمتك
فاتحة ايديكي
اجري عليكي وارتمي
جوه حضنك
وارتاح لضمتك
صدقيني مش خيال
ولا عقلي شت مني
ولا ضرب م المحال
انتي فعلا ساكناني
وشايفك في كل مكاني
صوت وصوره
حقيقي مش مسحوره
ولا أحلام مراهق
في إيده صورة
لبنت حلوه من مجلة مشهوره
انتي فعلا جوه مكاني
جوه كياني شاربه حناني
ومن حنانك ساقياني
بس العجيب اني بشتقلك كتير
رغم انك بأحضاني
الغريب اني كل ماجي أوصفك
ملقاش كلام يستاهل يكونلك
توب يتفصل علي قدك
ياأغلي محبوب
من قلبي مرغوب
كل شيئ فيكي مطلوب
ولا عارف أفصلك قصيدة
ولا لاقي في اللغه
كلام له معاني
اقدر بيها اوصفك
ياللي انتي من شعري أكبر
وعلي نفسي اكتر
مش قادر اعبر
عن حبي ليكي وافسر
بس بحبك
كل يوم جوايايكتر
ــــــــــــــــــــــــــــــــ شعر /السيد حماد