دكتور عبدالله أحمد يصرح شيرين عبدالوهاب مابين الهشاشة النفسية والادمان
نشوي شطا
الى بيحصل لشيرين عبد الوهاب حقيقى مأثر فية ونفسى بجد ربنا يطلعها منها على خير مش بس علشان هى صوت جميل ونجمة كبيرة ..
علشان هى فعلا واضح جدا طيبتها وعفويتها ولو كانت قوية مكنش حد عرف يضحك عليها كدة ويوقعها كدة ..
اغلبنا يعاني من اوقات ضعف ومشاكل نفسية باختلاف اسبابها، إلا انه عندما نترك انفسنا هذا الضعف نشعر بالهشاشة النفسية، وهو مصطلح قد يكون غريبا على البعض،
وقال الدكتور عبدالله أحمد أخصائي العلاقات الزوجية والاسرية، ان الهشاشة النفسية تحدث في الجسم بكثرة الحديث السّلبي الدّاخلي مع النّفس وكذلك الضغوط الخارجية التي ربما ما كان الانسان اضعف منها وذلك يولّد توتّرًا كبيرًا طول الوقت، كما يزيد من حجم الضّغط النفسي الذي يتسبب في حالة من المزاج السيء يصبح الشخص نظرته سلبية لكل الامور ويرى كل شيء بصورة سوداويّة.
وتابع د.عبدالله أحمد في تصريح خاص للموقع ، ان الهشاشة النفسية تعطي المشاكل حيّزًا في تفكير الشخص المصاب بها أكبر من حجمها بكثير، مما يجعلها تسيطر عليه بالأفكار السّلبية وما تحمله من توتّر وفي حالة الفنانه شيرين عبدالوهاب الى حصلها خلانى افكر ان اد اية مهما كان حواليكى دكاترة نفسين وناس بتحبك وشهرة وفلوس ..
.. وانت من جواك مش حاسس بكل دا وقاعد تنكش عن الى ناقصك وبس ..
ومهما حاولت تروح لدكاترة نفسين فهما مش معاهم العصاية السحرية ومهما تحكى للناس عن مشاكلك … بس انت من جواك مش عارف تتعافى او مش عايز تتعافى ودماغك بس عايشة فى الماضى وفى الى ضاع وفى الى ناقص .. ويضيف خليك متأكد ان سر قوة وبقاء المشاعر السلبية هو عدم الاعتراف بيها بيسموها بذرة الاكتئاب ان ما تقاومه يبقى . أفتكر كويس انت اللي بتزرع البذرة بنفسك انك تقول انا مش زعلان على فكرة انا زي الفل
انت عارف لما بيموت زوج المراه ربك في القران بيقول ( وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا ) ] البقرة: 234[
انت عارف بيسموها عملية التعافي تقعد في بيتها ماحدش يضغط عليها انها تخرج وتنزل وتتفسح وتتبسط لان هي عندها مشاعر ثقيلة محتاجه انها تتقبلها وتعيش بيها وتعترف بيها ودي بداية التعافي اما مقاومتها وارتداء مشاعر الفرحه خوفا الناس تقول عليا سلبي وسودوي داب يخلي الاكتئاب يدب في القلب
وأفاد استشاري العلاقات الاسرية ، فيه ناس قادرة تتعامل مع ضغوط الحياة وتحدياتها وتقدر تخرج منها بسهولة وناس بتنهار وتكتئب وتفكيرها يتجه دائما نحو الحزن وافتقاد الأمل .. باختصار من يقدر على التعامل مع ضغوط الحياة لديه صلابة نفسية أو مناعة نفسية زادت من قدرته على التعامل والتخطي وتعلم دروس الحياة ..
وعن الحديث عن ادمان الفنانه شيرين عبدالوهاب أشار دكتورعبدالله لم يكن الادمان فقط هو إدمان المخدرات الذي يؤدي بحياتك للموت فلقد أصبحت كلمة إدمان نسمعها بشكل مستمر في حياتنا اليومية .. فلان مدمن قهوة، أو مدمن سجاير، أو حتى مدمن للانترنت .. دايمًا الإدمان في دماغنا مرتبط بحاجات خارجية، لكن الحقيقة إنه ممكن كمان يكون الإدمان هو إدمان الجسم لهرمونات الكورتيزول أو الأدرينالين اللي بيتفرزوا وقت التوتر فيتحول هنا الإدمان لإدمان العاطفي فأهم ما فينا؛ مشاعرنا وطريقة تفاعل العقل والذاكرة معها.
الإدمان العاطفي شيء خطير جدًا وبيأثر على حياة ناس كتير أوي، مشاعرنا الخمس نحن من نقرر أيًا منهم يمسك بزمام الأمور، من منهم يقود حياتنا، هل المرح ؟ أم الحزن ؟ أم الخوف ! ، أنا من يجعل لمشاعري السلطة على حياتي ونظرتي للأمور، وبإدراك بسيط وبقليل من العقلانية سأوجه حياتي إلى الطريق الذي أريده ..
أختتم د.عبدالله كلامه ان مفيش حد هينقذك لو وقعت غير نفسك .. قربك من ربنا واستشعارك بالنعم الى حواليك.. ونخلى ربنا دايما حوالينا فى كل حاجة بنعملها هل دة هيرضى ربنا ولا بس بعملة علشان يرضى الناس ..
أنا افتكرت لما كانت بتقول { انها مش بتصلى علشان حسام حبيب بيحبها علطول حاطة مانكير }
دة معناة انها كانت بترضية على حساب نفسها وعلى حساب ربنا وعلى حساب أى حاجة فى حياتها .. فطبيعى كان لازم يحصل كدة .. ويمكن بيحصلها حاجات كبيرة كدة علشان تفوق وترجع .. ربنا يقومها بالسلامة بجد وترجع أحسن من الأول..