سادسهْ دلْ

سادسهْ دلْ

أحسنْ مللّي قْرا قْرا
وفي لِخّرْ طْلعْ سطلْ
واحسنْ ملْي لْبسْ كُستيمْ
وفي راسو راقدْ بْغلْ
واحسنْ ملّي خذْاها شْهادهْ
بفلوسْ للّاتْ الكُل ْ
واحسنْ مللّي كانْ صبّابْ
وتوّهْ ولاّلي بطلْ
واحسن من ضرّابْ الدفْ
وشمس الدين يقلّو عْسلْ
وقتْ العاكسْ ردّو نايبْ
وانيابو تقطرْ بالغُلْ
يطّاولْ توة على سْيادو
وراسو مْقُولبْ كيفْ عْجلْ
الاتّحادْ كبيرْ عليكْ
ما تجيشو فْ عفْسةْ رْجلْ
منْ حشّادْ للطبّوبي
حتى للقواعدْ الُكلْ
عنّا احرارْ وعنّا حْرايرْ
نحموها تونسْ ما نْكِلْ
وايذا ارهابي ومْدَعْششْ
تْخيّلْ روحو أنّو وصلْ
نْقُصّولو اللّحْيهْ بِقْملْها
وسِرْوالو زادهْ يِتْحلْ
تونسْ نوّاره في مَحْبِسْ
لا نِقلقْ مِنْها لا نْملْ

(نجم)
2020.03.25