ساعه الخلاف هي اصدق وقت بقلم سماح القصاص
مكتب /القليوبية
كتبت
ساعه الخلاف هي اصدق واقوي وقت تتعرف فية علي الشخصية الحقيقه للي قدامك
.! بيكون فيها الشخص فاقد القدرة ع التمثيل اللي بيمثله طول الوقت عليك .. وبيظهرلك هو ازاي و شايفك إزاي ..
عشان كدة من رحمة ربنا علينا إن ف خلافات بتحصل ف حياتنا عشان تعرف تعيد ترتيب الناس ف حياتك من جديد بناء ع الصورة الجديدة اللي ظهرت ليك ..اصدق كلمات تخرج وقت الخلاف يجب أن نقف عندها ونتدبرها جيدا لأنها الحقيقه معادن الناس بتبان وقتها الناس معادن تعرف عند الخلافات والشدائد فالأولى تكشف عن أخلاقهم والثانية تظهر أصولهم الخلافات تكشف المستور في القلوب
تتعرى الوجوه المصطنعة تظهر لك الغل الذي فى قلوبهم
وصورتك الحقيقية فى عيونهم لا تستهون بكلام الخلافات
وتعتبره غضب … لأنها أصدق لحظةترى فيها مكانتك عند أحد ،وقت المشاكل ،وقت حقي وحقك، وقت تعارض المصالح، وقت الزعل والخصام ،وقت المرض ووقت الحزن شوف مين وقف جنبك وسأل عليك.متحكموش عل الناس انهم جدعان بمجرد شويه مدح و ضحك و هزار اعرفوهم وقت الزنقه جرب بس اتحط مع حد في موقف صعب وشوف مين حقيقي ومين الفالصو.الناس كلها حلوه وقت الضحك والهزار والخروج لكن وقت الخلاف وتعارض المصلحه كله بيطلع اللي جواه وبيظهر علي حقيقته عد مين وقف معاك وقت شدتك ومين في غضبه وخصامه حافظ علي سرك ومخنش ومتزودش عليهم حد.اما تحب تعرف مكانتك
عند حد اعرفه وقت الزعل مش وقت الصلح وقت الخلاف مش وقت الاتفاق وقت الحزن مش وقت الفرح اما تلاقيه جمبك ف كل الأوقات بحلوها وبمرها اعرف انه بني ادم كويسفعلا انت ليك مكانه عنده فعلا أصيل ويحافظ على العيش والملح هو ده الي يستحق عشرتك ومعزتك وصداقتك وودك اما بقى اذا لقيت العكس فده بقى اوعي تعرفوا تاني
الغيه من حياتك تماما سراب بالنسبالك هوا معدي قدامك اردم على علاقتك بيهة ماما ست الكل الله
يرحمها رغم صمتها الطويل كانت تكرر لي دائماً ٣ نصائح ذهبية عظيمة لم أعد أهميتهم
إلا بعد هذه السنوات الطويلة.. -اعملي حساب الرجعة!-اعملي حساب الوقعة! -اعملي
حساب الزنقة! الأولى لأتذكر وقت الخلاف أنه قد يشاء الله ويجمع بين المتخاصمين.
. فلا داع للإساءة والتشفي وفحش اللسان.. أشياء قد تبدو لنا وقت الخصام عادلة لكن بعد الصلح هي لحظات ندم مستمرة..
فاعمل حساب الرجعة..والثانية لنتذكر وقت العلو أن هناك وقت للسقوط.. فعلو المناصب
والمال والصحة زائل وما فعلته سيرد إليك وقت ضعفك.. فلا تتجبر ولا تظلم ولا تغتر..
واستغل العلو بإحسان ليقيك من أهوال السقوط.. عشان تعمل حساب الوقعةوالثالثة
لنتذكر وقت الرخاء أن الأرزاق تتسع وتضيق بمقدار ليس بيدنا.. فلا نسرف ولا نستعبد
أنفسنا في نظام حياة لا نستطيع التخلي عنه.. فأشكر النعم بالاعتدال دائماً والتخلي
عن الرفاهية.. عشان تعمل حساب الزنقة! رحمة ونور عليكي يا حبيبة قلبي امي الحبيه
..أنك تعتذر وقت الغلط وتوطي صوتك وقت الخلاف ومتجرحش حد ولو بنظرة عين ده
مش ضعف منك ده دليل أنك محترم وفيك معاني حلوة كتير. إن فقدت مكان البذور التي بذرتها يوما ما ،
فسيخبرك المطر أين زرعتها ، وإبذر الخير فوق أي أرض و تحت أي سماء فأنت لَا تعلم أين
تجده و متى تجده ، ازرع جميلاً و لو في غير موضعه فلن يضيع جميل أينما زرع .الخلافات قد تُقوي العلاقات الحقيقية ولكن تنهي العلاقات المزيفة
(همسات) تحياتي