سبتيني
و صوتك ضحكة بتميل
تعدي علي صوتي تخليه أنين
سبتيني
وروحتي فين و ل مين
وأنا كنت معاكي ألين من اللين
يشهد علي حبي النيل
وعصافير الليل
طب أعمل إيه في الذكريات
وأكتب إيه في خانت الإتهمات
ما أنا فقير
وقرشي قليل
ودا الدليل
إنك جبتي من الأخير
وسبتيني قبل ما يغلبك الحنين
إنت بت جميلة وغنيا
طبيعي مش حترضي بمش وفول ورغيف
والنومة علي الحصير حتي لو غلبك الحنين
من زمان قتلك بلاش أحلام
أصلي عارف إنها حتبقي ألام
قتلك في حالي سيبني
وخليني راضي بنصيبي
وبلاش حنان تديني
قبلك كنت واد تقيل
ولما شفت عينيك بقيت بغير
من الهوي ومن نسمة جناح الطير
وصممتي تكتبي الحكاية
وأنا من البداية
قتلك خليني في حالي
لكن كنت عارف إني الحكاية
شبه رواية
قريتها زمان وكانت سبب بكايا
وأديكي سبتيني
وأنا لقتلك كفاية
من البداية
ولحزني خليني
أديكي زودتي أنيني
وبردوا سبتيني
