Share Button

سلمولي ع الغالي

سلمولي ع الغالي قولوله

لسه له في قلبي مكان

ولو ناسيني فكروه

باللي كان بينا وكان

عرفوه انا لسه فاكره

ولسه له ف قلبي مكان

زي ماكان واكتر من زمان

قولوله لسه في عيني صورته

وقبل نومي بذاكر ملامحه

ولا عمري خفت في يوم انساه

ولا قل يوم في القلب هواه

جوه العين والقلب انا شايله

ومكانه جوايا زي ماكان

زي زمان وكل يوم

بيزيد ويكبر واكتر

من زمان

فكروه بوعده ليا

واسألوه ليه الأسيه

قال مسافر مش مهاجر

يومين وراجع واديني صابر

يمكن يوفي بوعده ليا

لسه جوايا ليه حنيه

زي زمان وكل يوم

بتزيد وأكتر

من زمان

لو شوفتوه عرفوه

إني لسه مستنيه

ولآخر عمري مش هانساه

وهافضل فاكر عهدي ليه

ولسه حبه ف قلبي بيكبر

وبكل زكري بينا بارويه

وصورته لسه جوه عنيه

حلوه وأجمل من زمان

وكل يوم بشوفها أجمل

من زمان

ــــــــــــــــــــــــــــــــــــ

شعرالسيد حماد

Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *