Share Button

شيال … . .الهموم

بقلمي مسيو / احمد الصعيدي

شايل همومي وماشي انا بيها

أضحك واقول مسيرها

يوم تتعدل وربك يسويها

وهى دنيا وايام مقضيها

شايل همومي وماشي احكى موالى

وربك وحده العالم بي وبحالي

من كترهمى حسبوني من الفرسان

ميعرفوش انى كلى ألم

ولا شفت مره حنان

يا عم يبتاع الهموم

هات همك على همى

القلب موجوع ومفيش

حد يطبطب ولا يسمى

وقسموا الهموم طلع الكبير همى

يا دنيا وماشيه بالعكس طوالى

وبترفع فيكي الردى

ويشقى فيكي العزيز الغالي

سالته يوم يا هم امتى تروح؟

وأشوف بدالك فرح

وبالحب قلوبنا تبوح

رد وقلى مش بأيدي اسيبك

ولا عنى يوم هتروح

ادعى ربك انت واستغفر

وابكى بكل الجروح

واطلب من ربك الرضى

ربك عنه الدوا

وربك طبيب الجروح

Share Button

By ahram

جريدة اهرام مصر .موقع ويب اخبارى واعلامى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *